عندي رفيق كتيير صحبة سوا وعالأيام حبيتو وحبيتو بجنون وانو خلص متفقين رفقات وبس بس مو بإيدي حبيتو وبلش معي مسلسل لازم ألفتلو نظرو وخليه ينتبهلي بس تصرفاتي انقلبت عهبل وبهدلة يعني مرة عم نشرب عصير وما انتبهت انو خلصت الكاسة وسحبت وطلع صوووت غلييظ ومرة عم نقطع الشارع وما انتبهت انو في سيارة جاية وكنت رح اندعس والشوفير سمعني كم كلمة حلوووين ومرة كمان عأساس مزبطة حالي بس شافني فرط ضحك قلتلو شبك قال مكترة بلاشر عخدودك ومرة كمان عم نحكي قصة وحكا كلمة بالانكليزي وقلتلو هيك غلط وقلتلو غير لفظ وبس رجعت عالبيت بكتشف انو لفظو الصحيح مو لفظي غير الفركشة بس امشي كل الايام بمشي منيح بس شوفو بتفركش يا اما بطرق بالعالم وكتيير تنح عمواضيع وكبر راس ويطلع هو الصح يعني كل الايام بكون بنت راكزة الا بس شوفو بهبلها عالأخر و عطول في سوء تفاهم لاني متسرعة بأي شي وبجن وبكون موضوع مو مستاهل وبعدين بلاقي حالي سخيفة بفوووت بالحيط نظاامي وبرجع عالبيت وببكي انو ماعم اقدر اعمل شي صح ادامو بالنهاية بقيت 5 سنين حاول الفت نظرو وبالعكس يصير اطلع هبلة ومسطلة شووي وهلأ صرلنا سنة مامنحكي مع بعض بس هلأ بتزكر هالبهدلة بفرط ضحك وبقول اي والله معو حق ههههههه مع انو بوقتا كتير ازعل وانأفش من تصرفاتي بس هلأ بلاقيا ذكريات حلووة اشتئتلك كتيير انا يا دب H
Posted on: Fri, 21 Jun 2013 00:38:27 +0000
Trending Topics
Recently Viewed Topics
© 2015