--- كام واحد فينا جواه أسئلة محيراه عن التصوير ؟ كام واحد فينا مش عارف يشتري كانون ولا نيكون ؟ طب أنهي موديل ؟ كام واحد فينا نفسه يبقى مصوّر أحسن ؟ كام واحد فينا اتدبس و اشترى معدّات و طلعت مش هي اللي محتاجها فاضطر يبيعها و يخسر فيها ؟ كام واحد فينا زهق من انه كل ما يعوز معلومة يطلع عينه و في الآخر ممكن ما يوصلش لحاجة في الآخر؟ كام واحد فينا نفسه يعرف حاجات معينة و مش محتاج ياخد "دورة الأمورة لمبادئ التصوير" كام واحد سمع من اصحابه انه ما استفادش خالص من الدورات النظرية دي ؟ الصفحة دي صفحة مصوّر .. صفحة عن التصوير .. ايه رأيكم نخلي الاستيتس دي مكان للأسئلة و ساحة ممتدة للمناقشة و مكان نشارك فيه معلوماتنا من غير قيود ؟ فيه ناس بتتكسف تسأل .. و ده أكتر حاجة ممكن تعطل تقدمك أنا اتعلمت التصوير في الشارع (حرفياً) لا انا خريج مدرسة ولا كلية .. كل المعلومات اللي عندي تعبت عشان أوصل لها .. عمري ما اشتركت في دورة للهواة لتعليم التصوير .. و ياما اتدبست واتضحك عليا في معدات اشتريتها غالية و بعتها و خسرت فيها .. أنا عايز أقول للي مهتم على المطبات دي .. عايز أقول له على الغلطات اللي انا غلطتها عشان هو يدوّر على غلطات تانية جديدة يغلطها .. نفسي نتشارك خبراتنا .. الموضوع مش أسرار المعبد و عشان تعرف لازم تدفع .. المعرفة من حق الجميع .. و برضو من حق أي واحد شايف نفسه عايز يصوّر انه يصوّر.. ومش من حق أي حد انه يصادر على الرغبة دي أو يتّريق على اللي بيشتروا كاميرات و يصوروا اصحابهم و يعملوا صفحات . كفاية رغي لحد كده .. مستني أسئلتكم .. اللي هندوّر على إجاباتها سوا :)
Posted on: Wed, 18 Sep 2013 00:26:49 +0000
Trending Topics
Recently Viewed Topics
© 2015