✏ Hazrat Imaam Hussain Makkah Mauzzama Me kyoon Na Ruke..✏ San hijri 60 mein Yazeed khaleefa Bana To Governer E Madeena ko paigaam Bheja Ke Woh Imaam E Hussain Se Bait Le, Imaam E Hussain ne Farmaya Main Bait Nahi Karta Aur Makkah Tashreef Le Gaye, Makkah Me koofiyo Ne BE Hisaab Chitthiyan Bheji, Jis ka Mazmoon Kuch Is Tarah Tha, Ham Aapko Apna Amirul Momineen Maante hain, Ham Aapka Saath denge, Ham Aapki Bait karenge, Aap par Jaan Maal Nichawar Karenge, Yahan Yazeed Fasiiq O Fajir Hai Shariyate Muttahra Ko Paamal Kar Raha Hai Sharab Aam Ho Rahee Hai Agar Aap Tashreef Na Laaye To Majbooran Yazeed Ki Bait karni Paregi Islaam Ka Dhaancha Bigar jayega. AUR Qayamat mein Ham Aapka daaman Pakrenge.. (Sharayee Taur Par Imam Hussain Par jaana Zaroori Ho gaya) Makkah Mein Hazrat e Ibn e Abbas Ne Ibn e Umar Ne Aur kaayi Jalilul Qadr Sahaba Ne Aapko koofa Jaane se Roka, Aap NA Maane Or faramaya ke Main Ne mere Baap Se Suna Hai ke Makkah Mauazzma ki Hurmat Paamaal Hogi Ek Mendhe ki wajah se Or mai Woh Mendha Nahi Banna chahta. (Yaani main Yahan Rahunga To Yazeed Mecca Me Fauj Bhej Kar Qatle Aaam karega.) In Sab Sahree Wajoohaat ki Buniyaad Par Or Aapki Shahadat wahan Likhi Hui Thee Isliyee Aap Wahan Na Ruk Paaye Aur Karbala Kuch Kar Gaye As sawaiqul Muharaqah page 454., + Awarake Gaam 🌲QAAFILA SALAAR E MANZIL KO CHALE HAIN SAUNP KAR, WAARIS E BE WAARISAAN KO KAARWAAN E AHLE BAIT🌲
Posted on: Mon, 11 Nov 2013 06:31:19 +0000
Trending Topics
Recently Viewed Topics
© 2015