LAMPARD SEASON TLUANIN CITY AH English Champions Manchester City chuan New York City FC midfielder Frank Lampard chu season tawp thleng an hawh thei dawn ta a, December ni 31, 2014 khan New York City FC leh Man City te chu an inrem ta nge nge a ni. December ni 31, 2014 thleng kha Man City-in Lampard an hawh theih hun kha a ni a, manager Pellegrini chuan Lampard an mamawh zia leh season tawp thlenga hawh a duh thu vawi engemaw zat a sawi a nih kha. Tun season tluanin English Premier League-ah kum 36 mi hi kan hmu thei dawn a ni. Lampard hian Chelsea a chhuahsan hnuah American club New York City FC nipui liamta khan a zawm a. New York City FC neitu leh Man City neitute hi thuhmun an ni a, hei vang hian Lampard hi Premier League club Man City chuan loan-in December thla thleng an hawh a, tunah chuan season tawp theng City-ah a khel dawn ta a ni. Lampard hian Man City tan vawi 17 inlan tawhin, goal 6 lai a khung tawh nghe nghe a ni. African cup of Nations-ah ram tan Yaya Toure chu feh chhuak dawn mahse tunkara an match turah Pellegrini chuan squad-ah a la telh chhunzawm zel bawk a. Pellegrini chuan Sunderland a hmachhawn hnua January ni 5-ah International duty nei turin an thlah dawn tih a sawi chiang a ni. Man City hian striker hliam an nei nual a, Jovetic leh Pozo te chu chhawr theihin an awm leh tawh a, Sergio Aguero leh Kompany te pawh an lo kir leh vat tep tawh. Manchester City hian January transfer window-ah hian striker pakhat tal lak an tum dawn nia sawi a ni a. Swansea striker Bony chu Man City nena sawi zawm mek a ni.
Posted on: Thu, 01 Jan 2015 12:31:52 +0000
Trending Topics
Recently Viewed Topics
© 2015