(MORNING ARTICLE from ADMIN) MIZORAMAH OIL & NATURAL GAS ZAWN BEIHPUI THLAK MEK A NI. New Exploration Licensing Policy,1999 hnuaiah Petroleum Exploration License atan ONGC leh Indian Oil Corporation tangkawp leh Mizoram Sorkar chuan ,Sept.5,2003 daih tawh khan ,inremna DEED OF AGREEMENT an ziak fel a,kum 11 zet a liam ve leh ta.Exploratory survey an neih tan atanga chhutin,kum 1O hnuah MEIDUM Exploratory Well atanga natural gas hmuhchhuah anih thu kan hre chauh va,Oil Company te hian engvanga heti taka hun hi hmang/la rei nge an nih hriat a ni lo. Krishna-Godavari basin ahte chuan kum 2 chhung lekin Exploratory well meter 3000 aia thuk pawh an lai zo zung zung thei nia a lan laiin,heti taka hun an la rei hi a chhan hriat a ni lo.Ramdangah chuan Exploratory well atan hi chuan hun an la rei ngai lo.Mizoramah phei chuan state sorkarin theihtawp min chhuahpui a,clearance hrang hrang environmental leh forest clearance te,Public consent leh Pollution control boards clearance thlengin harsatna awm lovin Company te hian an hmu zung zung thei niin a lang.Chutiang anih laia ONGC leh Indian Oil Corporation Ltd.ten hna an thawk chaklo lutuk mai hi a chhan diktak a ram mi (indigenous people) te hian KAN HRE TUR A NI DAWN LOM NI?? 1. BLOCK AA-ONN-2001/2 : Hei hi Hortoki,Kolasib leh Aizawl Dist.hmar lama awm niin atirah chuan sq.km 5340 a huam a,tunah erawh chuan sq.km 2660 ah an tizim tawh.Main Operator ah ONGC niin Associate Company(puibawmtu) chu Alphageo Ltd.a ni.Helai block chhungah hian Meidum well ah natural gas an hmu tawh a,Exploratory well dang 3 /4 vel la verh leh an tum mek. BLOCK MZ-ONN-2004/1 (Serchhip,Thenzawl,Reiek,Aibawk etc.) : Hei hi sq.km 3216 a zau niin Main Operator chu Oil India Ltd.a ni.Associate Company te chu - Asian Oil field Services Ltd,Geographysical Institute of Israel(GII),leh W.L GORE USA te an ni.Oil India Ltd.,Shivani Oil Exploration Ltd.,Suntera Oil Exploration (Russia) tangho inkawpruala enkawl na hnuaiah kalpui mek a ni. BLOCK MZ-ONN-2004/2(Lunglei,Lawngtlai,Saiha Area) : Sq.km 3619 a zau niin Main Operator chu Naftogaz(Russia) a ni a.Associate Company chu Pangea International (Russia) an ni.He block main Operator Naftogaz(Russia) thiltih dikloh avangin cancel a ni a,NELP-X(New Exploration Licensing Policy) ah a thara auction (lilam) leh tura buatsaih mek niin ka hria. 4.BLOCK AA-ONJ/2 (Assam-Manipur-Mizoram inrina lai kil) : Mizoram huamchhung chu sq.km 255 a ni a,Main Operator chu ONGC bawk a ni. Mithiamte sawi danin,Block MZ-ONN-2004/1 (Serchhip,Thenzawl,Reiek,Aibawk,etc) huamchhungah khan hydrocarbon reserve 170 million tonnes awm theiin an chhut a.Hydrocarbon chu Petroleum gas form emaw oil form emaw a ni thei a,chuvangin helai biala hydrocarbon reserve awm thei hi OIL a ni ngei ang tih erawh a sawi theihloh.Oil han ni ta vek mai sela chu....a buru awm... Assam rama oil fields hrang hrang atanga kum 1 a oil an siakchhuah theih zat chu 4 million tonnes a ni.Anni lakchhuah zat ang zelin lo la chhuak ve ta ila chu,KUM 42 daih tur vel oil reserve kan beisei ngam dawn tihna a nih chu! Sawi tawh ang khan,a tak ram ala ni lo va,duhthusam chauh a la ni tih erawh chu hriat a tha.Natural gas pawh lo laichhuak ila,a zawngtute tan chuan a lawmawm tho tho. Oil India Ltd.hian Mizoram chhunga Exploratory Well 5 verh nan hian Rs.500 crore (vaibelchhia) sen an tum a.Exploratory drilling hmun 5 ah kum 8 (2007-2015) chhunga zawh hman an tum nia sawi a ni.Survey engkim a zo tawh a,a verhna lai tur drilling site te pawh an thlang fel tawh bawk a,Exploratory Drilling chu thla hmasa JULY 2014 atang khan an tan a ni awm e. Tun thleng hi chuan Mizoram ah oil reserve a awm leh awmloh hi hriat chiah ala nilo va;oil leh natural gas hi an awm kawp deuh zel a,gas a zãn zawk avangin a awmna a pãwn zawk a,oil hi chu a awmna a thuk thin.Bangladesh chuan natural gas tam tham tak a neih laiin oil erawh a ngah lo.Arakan region ah pawh natural gas reserve tam tak an hmuh laiin crude oil erawh an hmu bik lem lo.Assam ah erawh oil leh gas a awm kawp.Chungtiangte ngaihtuah chuan Mizoram ah hian crude oil reserve kan nei ve angem?Tripura ah pawh crude oil an la hmulo chu ania...KUM 5 CHHUNG EMAW CHUAN OIL KAN NEIH LEH NEIHLOH HI A CHIANG TAWH TURAH I NGAI ANG. Alo awm anih hlauh chuan,tun atanga ngaihtuahna kan hman a pawimawh.Malsawmna hi a hmaa ka post tawh ang khan chhiatpuina a ni thei tlat.Chhiatpui lova kan thatpui theih ngeina turin invenna tur awm thei apiangah inzirtirna kan mamawh hle ang. INDIA SORKAR HIAN KAN STATE MIN DUHSAK BIK AVANGA OIL COMPANY TE HI LO LUT AN NI LO.INDIA HIAN NASA TAKA A RAM CHHUNG THARCHHUAH TIHPUNA RAMDANG ATANGA OIL A LAKLUH HI TIHTLEM A TUL ATIH AVANGA OIL COMPANY TE HI LO LUT AN NI ZAWK.TUNAH HIAN INDIA SORKAR HIAN NELP-X THAWHSAWMNA A KALPUI TAN MEK A NI.OIL COMPANY TE HI KAN TAN KHUAL THA AN NI A;KAN RAMNGAW,ETC.AN TICHHE TUR VENG CHUNGIN THA TAKIN DAWR ILA,ZOFATE HIAN HEI LO RAMDANG KAN NEILO TIH ERAWH MIN HRIATSAK VE TUR A NI.
Posted on: Mon, 11 Aug 2014 01:49:22 +0000
Trending Topics
Recently Viewed Topics
© 2015