“NA RUALPI THLENG AW” (Thuhramron_ Nolai ih lian cu santawinak pipu anka.” “Pursumleilawnnak pakhat ihsin pakhat thleng dingah ziangtluk in tikcu arei” tiih in suh tikah “ kei khal in nitin ka thleng aw rero” tihi ka thu sangnakbik asi. Adik ko lo sawm, B le I thuhla thawn pehparin theihnak hmuhnak fimzir ding a cem in a cem thei lo. Ziangah tile himi B le I ahcun hnatuandan kan thiam dan ih zirin sum luhnak atam deuhdeuh, sumpai lakdan kan thiam deuhdeuh tihi asi. Kan dung CT ah ziangruangah mino milian kan laimi ihsin kan suak thei dahlo timi thusuhnak ka tuahmi ihsin mipi in hitin in let” kan pipi pawl in nolai ih lian cu santawinak an ti” tiin an let cio. Himi thuhla ruangah veihnih khat zan ka ihthah lo can aum. Ka thuruahmi lak ihsin himi ruangah asi thluh lo men ding nain atam sawn cu himi ruangah asi ko ding tiah IT san thawn ka tahthim tikah a naibik ding tiih ka ruahnak asi. A tawi zawngin len kan rak thiam loih sumpai kan cen cem rualin kan nunnak khal kan cen cem cih venak hi asi. Himi thuhla thawn pehparin ca tawi tete ten ka rak ngan phah theu nain a theithiamtu kan tam vivo zo vekin a theithiam lotu lak ah pacangpawl an tam sawn ruangah mino hrangah khawruahharza thlentu asi theu. Kan dungah ka rualpa thawn kan thurelnak ah hitin thusuhnak ka tuah ting 500 nei awla ziang na tuah ding tiih ka thusuhnak cu kaa tha zet in hitin I let” ting 500 cu rel hlah ting 100 hman nei sehla ramleng ka suak zik lo”I ti. Ka thusuhnak vekin ka sut peh vivo tikah a mithmai asia phah in ” yangon ah rawldawr “ ka ong ding tiah asuak. Aniih timi rawldawr cu lamzin kap ih rawldawr fate khi asim duhmi asi. Hivek khawruahnak aneih hman hi ka lawm zet. A taktak ahcun B ka ti rero mi purumleilawnnak nei ding ahcun a zin US$5000 Millions hrawng in an thok theu, kan theiholnak ding bikah Eleven Media thoknak sumfa hi US$ 50000 cem in asi. Tuah thuthang latu mi 100 leng anei ih nitin hnatuantu mi 500 leng a nei. Ataktak ahcun ka rualpa ih ruahnak tianghi mizakip ih khawruahnak asi cio ko, eltheih khal asilo. Himi ruangah asibik ding kan pipupawl ih mino te ih lian cu santawinak an rak tinaksan dingbik ih langmi lakah a thupibik pakhat nak asi ding tiih ka hmu suaknak asi. Kan dungih kan rel zo vekin ting 1 hman kan sumfa kan than ter thei lo asi ahcun ting ziagzat nei khal awla sumfa thanternak ruahnak neih dinghi thil ol asive lo. Tongthimnak ih an rak simtheu bangin “ fangkhat hman ih a rinum lotu cu ziangzat khal ah an rinum dah lo”tiih an rak sim theu. (Mathai. 25:14-28). Cuti asile ziangtin? timi ih thusuhnak cu keimah in ka lo let mai pei. Hiitin asi, B le I ih hnatuan nuamnak bik le hlawknakbik ih an relmi le kan hmuhtonmi cu na hnatuanmi ah na thiam nal deuhdeuh asile na tikcu can ol khal a tam deuhdeuh dingih na tikcu can ol atam vekin sum lut khal an rak pung sinsin ding. Kan pipupawl ih tongthimnak sung ihsin ziangtin kan suak thei ding ti asile B hrangah a malbik kum 5 can pek atul ih cumi hrangih fimthiamnak phunkim zirnak dingah thubawtcatnak hngetkhoh hi asi. Kum 5 a tam tuk, ka paih lo na ti asile thla 6 kan ti mai pei, thla 6 sung lawng asi ruangah na tuah dingmi le dinglomi khal na tuah atul thlang ding. Meeting tinkim na kai ding, tindan tinkim na kai tul, a cang theitawkin kiangkap ramri kauh atul, hi khal hi a rang theibik ih kiangkap thlengdanglam duhnak ruangah asi. Kiangkap athlengawk tikah kan ruahnak khal a rak thlengaw vivonak dingah caphun kim siar in theihthiam thei atul fawn. Ahmaisabik thupibik ahcun kiangkap thlengdanglam hi atul, lehlamzawngih kan rel asile kan sunmang khawruahnak kan thlengdanglam atul tinak asi. Singapore ih ka hnatuannak boss kha kum 24 ihsin Company arak ong thok ih kum 28 a kimnak ah ka boss ah acang riai asi kha. Culawng asilo a senrualpipawl ih boss ( an tulsammi bawmtu) ah a cang. Chinmi cu khuahlan pipu san ihsin mi kut hnuai ih rak um dahlomi kan sinain ziangruangah tuisan ah mi kut hnuai ah kuli kan hlawh ih mi ih hnenum vek men ah kan cang thluh ti asile fimnak tel lo in kan tlai arak tluang tuk ti bak rel ding aum lo. Fimthiamnak le pursumleilawnnak lam ih kan thlir tikah E le S ( mikut hnuai hnatuantu) pawl hnak ih zalen vek bang siin cu pawl hnak hman ih farahnak hna kan rak tuan ruangah hmuhtonmi kan rak neihlonak asi. Butlak caw keneh pakhat ih relh tla kan bang, cangai hman a mai kua ah alal kan ti nain Chinmi in cangai kan tluk nawn lo. Ram lengih um lo Chinram ih atanglaimi pawl ih hnatuan cu himi asi ringring lai. Asinan, mi kut hnuai ih hnatuan ramleng ih umpawl khal in E le S ah kan tikcu can kan hmangin kan nunnak talent ropitak kan neihmi cu kan liamsan vivo hi cu a poi ka ti. Atul asile na rualpi tha khal thleng mai aw, thansohnak thlenlotu rualpi thleng ding hi hreh ding asilo. E le S ih huat um ememnak pakhat bet cu mah le insang hrang hman ah kan tikcu can kan pe thei mumal nawn lo. Ruahdan phunkhat ih kan thlir tikah tuisun mino pawl harsatnak kan tonnaksan hi upapawl mi kut hnuai ih hna an rak tuannak ruangah fa le kilkhawinak can an neih lo ruangah asi bik ding. Cutikah kiangkap thlengdanglamnak ding hrangah thla 6 sung can pek ding asi vekin tindan phunkim kainak dingah innsang thawi thenawk sung khal thil harsatuk asi lo. Cui’ hnu ah B le I ah ka thlengaw thlang ding tiih khawruahnak sang na neih le vetein a tlun ih ka sim zo bangin rualpi thleng rori asi. Na khawruahnak level neitu na kom atul thlang. Leitlun ih nuamnak par tlan theinak dingah milianzetpawl ih anka ngaicangtu le rualpi ih komthiam hi arak thupituk mi asi. Umharphen ah aw.. Mawi Kuk Jennifer SR Mawi
Posted on: Mon, 28 Oct 2013 03:23:27 +0000
Trending Topics
Recently Viewed Topics
© 2015