“Rap Game-a Ka Luh Lai Nî” tih lehkhabu hi ziak dawn ta ila a pan ve ngawt ang. Ka nu Ruatfela Nu (Vanramchhuangi) hian “Beauty Tips” ziak ta se, chu ai pawh chuan a pan hial ang. Mahse, Mizo zinga Mizo tawng ngat a rap, hla sawi-sa (sawi a, sa bawk) hmasa ber ka nih loh vek pawhin, a hmasa pawl chu ka ni ve ngat ang. Yo! Check this out, homies! Hip-Hop/Rap khawvela Dr. Dre leh Arrested Development te vul lai, Queen hla lar Under Pressure bassline rinchhan a Vanilla Ice-in, Ice Ice Baby tih a hit vanglai pelh lam, a anpui deuh reuha Baba Sehgal-a’n, Thanda Thanda Paani a rawn vawrh ve lai, Dr. Alban-a’n “Its My Life” a lar chhuahpui kum, kum 1992 khan, kan venga kan thianzaho uangthuang band Gitanjali chu Tlangnuam Sporting Club function, Primary School I-a neihah kan che chiam a. Ka rap hrep (Aizawl town bus chhung engine cover-a “Rap Suh!” tih an tar deuh vek lai lehnghal khan). “Kan duh leh kan zai ang, Lâm kan thai ang, Kan chai ang; Di kan chhai ang, Thai kan vai ang!” tiin ka chham ve zuah zuah kha. Ka thianpa David Hrahsel khan eng tawng nge ka hriat fuh theih loh, a awmzia pawh ka hriat chiah loh (awmzia a nei a nih paw’n) hian: “A khi tlangah bawngpui sunhlu va maw raw, va maw raw, thingkak thuam a hniam chil chel, cher va hmawng a kuai chho,” (?) a han ti chho vel te kha ka la mitthla ruai ruai thei a, ka bengah a la cham vaih vaih mai. “Dam maaro dam ... Hare Krishna Hare Ram!” tihte nena kan han bai pawlh vêl a nih kha. Kan inkhawm kaihruaitu pawh khan han comment zui dan vak min hre lo, “A va pui riap riap ve,” a ti ringawt! Kha’ng kan hlim nî leh nuih lai zante tak kha aw!
Posted on: Mon, 11 Aug 2014 06:23:26 +0000
Trending Topics
Recently Viewed Topics
© 2015