... SAKAWLH PAHNIH TE CHU TUTE NGE ? ... UID hi engtia hlauhwm nge tih lam sawi ka tum lo, chu aia kan hriat chian zawk tur chu tunge Sakawlh chu tih hi ani, chutah pawh Sakawlh pakhat nilovin Sakawlh pahnih lai leh nghal.. In sawi tan ang o.. Thupuan bung 12 ah hian Dragon asawi lang a, tin, van indo na ah hneh a awm in, a tirhkohte nen leia paihthlak a an awm thu alang avang hian Dragon chu Setana tih a chiang ta bang ani. (thupuan 12:7-9).. Chuan Bung 13 ah chuan, chu Dragon(setana) chu tuifinriat tiauphovah a ding ta a.. Tin, Sakawlh ki 10 leh lu 7 nei tuifinriat atangin arawn chhuak a,chuan he Sakawlh lo chhuak hi Dragon chuan a thiltihtheihna leh a lalthutphah leh thuneihna nasa tak mai a pe a, tin a lu a thihpui hial khawpa hliam chu a dampui leh avangin mipuiin mak an ti a,Sakawlh chu an zui ta a, tin he Sakawlh hian mithianghlim meuh te pawh a hneh phal ani.. Sawi fiah deuh phawt ang o.. Tuifinriat chu mipui entirna ani a, Sakawlh lo chhuak tur ngei chu mipui zing atang ngei in, mihring pangngai ve bawk tihna alo ni a, Dragon chu Setana anih ang in, Setana chuan Chu Sakawlh, mihring chu athuam tha in, a chawimawi dawn a,lei ah hian Lal ani dawn ani, he Sakawlh hian alal a hrawt ang a, thupuan bung 13:5-10 a kan hmuh angin, mi tinreng, hnam tinreng leh tawng tinreng te chungah thuneihna anei anga, tihduhdahna nasa tak a awm dawn ani, hetah hian mithianglim, krista zuitu tak tak,piangthar te pawh a hneh in a ti duhdah dawn ani, he tihduhdahna hi nasa tak tur ani a, khandaiha thi tur chu khandaiha tih hlum an ni ang a, mithianghlim te chu chhel tak leh rinawm taka a an awm a tul dawn ani(chang10). Chuan sawi belh leh ang.. Bung 13:11- Sakawlh dang lei atangin alo chhuak leh a,Sakawlh hmasa zawk kha mipui te chibai a buk tir bawk ang a, mipui te chu Sakawlh hmasa zawk chawimawi nan alem a siam tir a, tin Sakawlh lem chu a tawng theihna tur leh chibai buklo apiang a tihhlum theihna tur in sakawlh lem chu chu thawkna pek phal ani, tin he sakawlh hian chhianchhiahna an chal leh ang ban dinglam ah aneih tir bawk.. Chuan enge kan sawi leh ang, Chal leh ban a chhinchhiahna nei tur chuan Sakawlh pahnihna alo lan phawt angai ta ani, Sakawlh hmasa zawk chuan tihduhdahna athlen ang a, tin leia mi zawng zawng in an zui bawk dawn ani..chu Sakawlh chu alo lang tawh em, alo lang tawh anih chuan tunge ni ta, khawi ram leh sawrkar hi nge ni ta le..? Sakawlh hmasa zawk alo lan phawt loh chuan a hnuhnung zawk alo lang thei lo.. Sakawlh hnuhnung zawk hian ani chhinchhiahna neih tir dawn chauh ni.. Tin he Sakawlh hnuhnung zawk hian van atanga lei a mei tlaktir thei khawp hial in thil mak ropui ati tawh em.? a tih ngei chu angai asin. Bible thu hi duhlai lai lakchhuah a,duh lai lai sawi vul chuk hi atha lo khawp mai, hei tak hi ani zirtina diklo lo chhuah na leh hruaibo na thlarau chu, chuvangin pathian thu chu dik tak in, fel tak in, chiang tak in hriat tum rawh, pathian rawn chung zel in.. Sakawlh pahnih anlo chhuak ang a, a hmasa zawk chuan tihduhdahna arawn thlen ang a,chuan mi tam tak in an zui ang. Chuan ahnuhnung zawk pawn tihduhdahna arawn thlen tho ang a thilmak tak tak pawh ati ang. Chuan Sakawlh hnuhnug zawk hian Sakawlh hmasa zawk lim a din ang a, mipui te chibai a buk tir ang, chuan an kut leh chal ah chhinchhiahna aneih tir bawk ang..
Posted on: Fri, 09 Jan 2015 14:49:20 +0000
Trending Topics
Recently Viewed Topics
© 2015