“SBAK Women Pastors Retreat” Nito Mount Zunheboto lono kishekhavea Kughato K Sumi NITO MOUNT: “Itehi xu akeu lo sakiphhe ghola kikili” pe akimji shino atsala kuthu ghenguno SBAK Women Department, Nito Mount no akupughu shino ‘Associate Pastor Women’s Retreat” shi akeu Tupulani tsalani no kishekhavea. Ashekhau tsala lo akukuhou lo totimi sakiphemi qqo ye kini-nih no kuposhhu keu eno atsala kuthu dolo qohkiphhe jeli shikeqqo yekipide shilu. Atsala kuthu dolo Juliet Shikhu, pastor Dimapur Sumi Baptist Church; Tsuvili Sumi, Staff Nurse Civil Hospital Zbto; Rev S Yevito Sumi, executive secretary SBAK eno Kughato Chophy, Chaplin SBAK nno qqo no phukuthomi shitsu. Panongu ye “Akukuhou lo ayehkipe”, “Totimi eno ashi-ajih”, “Alhou ghenguno okimiji qhemughayi mijepe qhilo”, “Okumlah pasuh jukide eno akithe kupha lulo”, eno “Xupivi kuxu: itehi suchedo lo sakiphemi” ipi keqqo pe atsah nhethi shino phukutho kukuputsa shilu. Niholi Shohe field secretary NSBAK no “Nehemiah-u sakiphhe ghola” pe atsah nhethi shino Bible phukutho do peitha tsu eno Hekato Awomi ,youth secretary SBAK ngo Tunakali Jimo, Christian education secretary SBAK nno qqo no atsapimi shitsu. Anighini tsalani akupughu huthu kelo Kuholi Chishi Women Secretary SBAK no akimiji boqha kusaje eno tithiu Atoni associate pastor women, Sukomi Baptist church shikimithi kighini do peitha tsu. G Akani qqo mi no akithele phe eno Hekato Awomi youth secretary SBAK no “Itehi xu akeu lo sakiphhe ghola kikili” akimiji shino ahoho lo ighi kemi shikumto tsu. Atsala akiniu lo Niholi Shohe field secretary NSBAK no “Nehemiah-u sakiphhe ghola” pe atsah nhethi shino Bible phukutho do peitha tsu. Tithiu Juliet Shikhu, pastor Dimapur Sumi Baptist Church no “Xupivi kuxu: itehi suchedo lo sakiphemi” pe atsah nhethi shino phukutho kukuputsa phukuthou shitsu. Tinguno allau Rev S Yevito Sumi, executive secretary SBAK no, Tsuvili Sumi, Staff Nurse Civil Hospital Zunheboto, eno Juliet Shikhu, pastor Dimapur SBC nno qqo no “Akukuhou lo ayehkipe”, “Totimi eno ashi-ajih”, eno “Alhou ghenguno okimiji qhemughayi mijepe qhilo” ipi keqqo pe atsah nhethi shino phukutho kukuputsa shilu. Jasper, associate Pastor Women STBC; Kasheli Rotokha associate Pastor Women SBCZ eno Tojuli associate Pastor Women VBC nno qqo no akukuhou kumlah kishi lo puju-shijulu keu kusaje. Avelau kumlla hoho shi kelo Hukatoli women evangelist SBAK no alakhu peitha tsu, Visheli associate pastor women SBC Mokukchung no shikimithi kighinido peitha tsu, Sophia Girls Hostel lo kungomi qqo no akithele phe eno Tunakali Jimo education secretary SBAK no Alhou shepe shitsu. Kuqha kelo aphu ngo aphughi kukuhou 65 lono Associate Pastor Women qqo no ighino ghulo kuthu kupughu hipau lo ssulu. Kuholi Chishi women secretary SBAK ye phukuthomi, astapimi, eno alaghhi jeli lono saphe vetsu kemi qqo shikikimithi keu tsah pih akelo Alhou no panongu tsu keu ghoh pephe keu vecheo totimi sakiphemi qqo kukumsu pekho vetsua eno jukuchho nhetsu akithe xapu mula wuni keu iqhih vetsua ipi sheqhe.
Posted on: Sat, 09 Aug 2014 17:31:40 +0000
Trending Topics
Recently Viewed Topics
© 2015