.. SO LUPA ENDO SAMBAYANG .. SO LUPA PENDAMPUAN .. SO LUPA PEDSUJUDAN. TADEMI KA SO LUPA A BINALUYAN SALKA..TADEMI KA SO SIMBA ;ENGGI KA SA ALAGA. LUGOD KA SO KALUPAN A PEGKALBENAN NENGKA..LUGOD KA SO KAPATAY; ADILI KA SA LUTO. Bismillaahir Rahmaanir Raheem. Katigan sa Qur’an a Kadtalo no Namaloy : " منها خلقناكم وفيها نعيدكم ومنها نخرجكم تارة أخرى " Surah TAHA,ayat 55. “ SO LUPA I NABPUNANO SA KINAUMBAL SALKANO,,O MAMAMATAY KANO DEN NA IBAGULIT KANO BON KO LUPA A NABPUNANO,,O MAUMA SO GAY A MAULI NA ABATEN KANO MANEM KO LUPA A NABPUNANO KA KUWENTAN SO GALBEKO A PINGGALBEK SA DUNYA ”. QUESTION : ------------- - NGINTO KON KA SO KAPERUKO ENDO SO KAPEDSUJOD NA EMBIDA SA BILANGAN ?! SO KAPERUKO NA MAKAISA BO KANO SAKA RAKA’AT A SAMBAYANG,INUNTA SO KAPEDSUJOD KON NA MAKA DUWA KON EGKAMBALINGANAN KANO DALEM O SAKA RAKA’AT ?! ANSWER : ======== PANULIMAN KA EBPIPIA SO NALABIT A AYATAN ENDO KA NIN MASAWAL KANO INIDSA NENGKA. SO KADTALO NO NAMALOY A : منها خلقناكم ( Min’haa Khalaqnaakom). San ba Tigo Allaho taala sa Lupa Banan I Nabpunano sa Kinapamaloy nami Salkano sa Lupa I Asalo a Naganatano. BALOY NIYA BA I MA’NA NO ENDAW I PAGANAYAN A KAPEDSUJOD TANO SIYA KANO KAPEDSAMBAYANG TANO ; sa papedtademano allaho taala salkitano I nabpunan tano sa kinapamaloy salkitano na lupa besen,endo tano mataman so pidtalo a kapangalimbaban sa paginugot tano kano allaho taala sa di tano kamamaselan sekanin endo kabpapuluan,taman kano mga pagidsan tano a mga kaaden,kagina tabiat o manusia I kamamasela endo kabpapulo labi den o yanin kailay kano ginawa nin I aden den egkagaga nin endo aden den kalabihan nin kano kapedin?!ibangalimbaban tano kano allaho taala so pinaka mapulo den I pangkatanin endo bansa nin siya kano gapa no badan tano mana so ulo sa yata tano ipendempas sa lupa na so pinakamananisan den a gapa siya kano ulo tano mana so pamenengan,sa ibabagilay tano kano allaho taala I kena tano pemamasla endo kena pebpapulo ka pedsujudan tano sekanin bangalimbaban sa sangkop endo paginugot salkanin a namaloy a pakagaga.. SO KADTALO NO NAMALOY A : وفيها نعيدكم ( Wa feehaa nu’eedukom ). Upama tigo Allaho taala ka Matay Kano den na ibalingan Nami Sekano Kano Lupa a Nabpunano sa Kinapamaloy salkano sa ilebengami sekano. BALOY NIYA BA MANEM I MA’NA SO IKA-DUWA A KAPEDSUJUD TANO SIYA KANO KAPEDSAMBAYANG TANO; sa babagingaten tano endo papedtuntayan salkitano no allaho taala I so inenggay salkitano sa ngiyawa sa uyag uyag tano na dikena besen lekitano ka pinasembayan bo besen salkitano,endo so kalupan a pinandadalpan salkitano siya sa dunya na balal bo besen a pinadalsan salkitano gagalo,sa kena besen tatap endo tanitiasa den a pedtangenan baginged,sa babagingaten tano ka endo tano makapagadil,sa apia kano sa gay ka imbalingan tano no allaho taala mapauli sa didalema lupa na nakaingat tano muna endo nakapagadil tano endo di tano makadawa lusa allaho taala sa da tano patuntaya endo paingata muna.. SO KADTALO NO NAMALOY A : ومنها نخرجكم تارة أخرى ( Wa min’haa Nukhrijukom Taaratan Ukhraa ) O Makambalingan kano den Tigo Allaho taala Zaluman kano Asal a Binaluyun Salkano a Lupa ka Mauma Den so Gay na Harikiyamat na Pambuaten nami Manem Sekano Zaluman Ebpon kano Lupa a Linebengan salkano ka Endo Magkuwenta endo Magkukum so mga Galbekan a Pinggula no siya kano Liliyaw ataw ka Liyawaw na Lupa ka Endo Kabalasan so Mapia sa Mapia bon,so Mawag na Mawag bon I Balasin. BALOY NIYA BA MANEM I MA’NA NO KAPEMBUAT TANO PEMBANGON KANO IKA-DUWA A KAPEDSUJOD TANO SIYA KANO KAPEDSAMBAYANG TANO; ka bagilain tano endo bagangapan tano o ngin I resulta ataw ka unga no pinggalbek tano siya sa dunya sa magabi sa malamag a kamapian endo kawagan nginto makapass bon sa malepas tano ataw ka di tano malepas?!. ( PITUWA PAMUSAKA ) -------------------------- INADEN KA MAMALOY SEKA NAN A MANUSIA, KA ADEN MASLA ALAP A BINALUYAN SALKA,NA DIKA BO MAGINAMAY SA IDTALIPENDA NENGKA SO BINALUYAN SALKA ENDO KA DI MAKADSENDIT O MAKAUMA SO KADSENDIT.. PINASIYA KA SA LUPA SEKA NAN A MANUSIYA,KA ADEN TANGGA MASLA A INIPAKUWA SALKA,NA PAGINAPAS KA KEMUWA SO PINADTANGGAN SALKA ENDO KA DI MALUGI O MAUMA SO DIPAN EGKAUMA A KALUGI NO MADAKEL .. ( wallaaho a’lam).
Posted on: Fri, 04 Oct 2013 15:12:34 +0000
Trending Topics
Recently Viewed Topics
© 2015