(Seh) Thilri, Company dirhmun le Minung kan I pehtlaih nak Chan ai thlen a rang tuk. Ni le caan zong tlaih khawh lo le khirh than khawh si ti lo in an liam lengmang cang ai. Cu nih cun mitampi hnahnawh nak apek bang har nak le sivanghnak a pek khun mi hna cu Company ngei pawl le shareholder pawl an si. Fimthiam nak athan cho ning a ran tuk ruangah le technology a that tuk ruang zongah Company ngei pawl le shareholder pawl cu an lung re athei khun. Zei catiah cu thanchonak nih cun 100% miak nak apek khawh hna lo caah asi. Vawileicung minthang Samsung le Apple Company hmanh nih cun hei tiah an thil ripawl cu athar chuah khawh nak hnga dingah design phun phun in an sersiam. A chung thilri pawl an thlen. Hlan deuh lio I kumkhat voikhat maw, kumkhat ah voihnih maw tiah design thar le innovation tuah tawn mi pawl vial te zong atu ahcun thlathum voikhat, thlahnih voikhat cun thlakhat voikhat tiangin an thil ri pawl cu aphun phun in an chuah. Cu hna zong nih cun minung hi thilri thailhchanh duhnak (materialism) a kan ngeih ter khun ti usih law apalh men lai lo. Thilthar kan uar khun. Thil kan cawk tik ah “Brand” kan zoh khun. Ahnu bik chuak latest design poah poah cu uar khun asi. Mirum le miti kho deuh nih thilthar achuak mi poah poah kha heh tiah adawh le dawh lo, cun kan I tlak le tlak lo zong zoh theng lo in I cawk le I thlen peng asi. Cu ti latest design hna kan I tlaih ahcun kan mah te zongin kan I uar khun, cun mizoh zong aco khun mi kan lo. !! Zei hi dah ahnu bik chuak asi tiah kan hman mi seh thilri (phone, computer etc) pawl long si hlah, hnipuan fenhaih pawl zong cu thiam thiam. Mi si kho lo deuh tiang hmanh in minih tuah mi cu I cawn duh cio cu asi ko. Cu nihcun kan thinlung zeimawzat akan hrawh mi aum kho men (Nang zeitin na ruah?). Cu venbantuk in atu ahcun thilri pawl kha rangdeuh tein le, adang deuh le thilthar deuh in achuah kho mi Company ngan pawl long nih khan customer thinlung le hmunhma an lak khawh. Atu lio Apple le Samsung dirhmun hmanh in fiang tein hmuh khawh asi. Apple nih kumtin a rak lan tawn mi kha atu ahcun Samsung nih ahmunhma te cu a vun chut cang. Cu ti atuah kho deuh lo mi pawl kha cu an zor thluahmah ko. Nokia zong 1998 lio hrawng ahkhan cun world leader arak si. Cu hnu zongah can sau nawn pi Mobile Industry ah hmunhma ala ko. Asi nain an thilri pawl kha chan he a kaih ning an sersiam khawh ti lo caah atu ahcun an zor cang. PLC timi Product Life Cycle in kan tah ahcun Nokia cu Decline asi cang. An Company pi a thi cang ti hmanh in kan ti khawh. Cu ve bantuk thiam thiam cun, chawlehrhrol nak ah siseh, cun adangdang sipuaizi atuah mi company pawl nih an rian tuan nak ah nizan an miak mi nak in tuni ah tlawmdeuh an miak, cu nih fiang tein a langhter mi cu thaizing zongah tuni nak intlawmdeuh hmuh le co asi te lai tikha asi ko. Cu caah tuni an hman mi strategy kha thaizing ah a nung kho ti lo. Nikhat le nikhat kar ah siseh suimilam pakhat le pahnih kar ah thil a thlen hi arang tuk. Cu caah Company pakhat pi caan sau anguh nak hna ca ding caah le an I timhmi ah hlawhtlinnak an hmuh nak ding caah cun an hman mi strategy hi abiapi bik. Company pakhat pumpi hruai tu cu an hman mi strategy cu asi ko. Strategy cu hmailei an kal nakding ning lamtluan (direction) ahmuh sak tu asi caah hmai lei ah Company pakhat nih a rian ah hlawhtlinh nak ahmuh hnga le hmuh hnga lo cu an hman mi strategy nih lai arel. Adongh nak ah Company pakhat nih atimh mi cu thilri thar chuah/ ser lengmang I zuar khawh lengmang, cun cuthilri ahmang tu le acaw tu cu hnahnawhnak pek lengmang cu asi ko rua. Cucaah nifin kan nun ah hnahnawh nak a kan pe tu cu “Thliri” pawl cu an si. Nu Bawi (Ruahnak sawhsawh)
Posted on: Fri, 18 Oct 2013 07:59:19 +0000
Trending Topics
Recently Viewed Topics
© 2015