“Sklabitut pa siglonan tabata un fenómeno aseptabel den nos komunidat. Pero for di fuentenan históriko i investigashonnan históriko nos sa ku durante siglonan 18 i 19, hopi katibu mester a biba i traha bou di sirkunstansianan inhumano. Tambe riba nos isla Kòrsou. A trasladá katibunan bou di situashonnan horibel for di Áfrika Oksidental via Oséano Atlántiko pa nos isla. Tabata mira morto di katibunan durante e biahe simplemente komo algu trágiko den sentido ekonómiko. Ta’tin eksepshon, pero e bista general di e situashon di biba i traha di katibu riba nos isla ta negativo. E rebelion bou di guia di Tula na 1795 no a kai fo’i shelu. Iglesia Protestant e tempu ei: aprobashon silensioso òf abierto Den iglesia protestant dje tempu ei no a hasi nada kontra e situashon aki. Ku konosementu i komprenshon ku ta’tin e tempu ei, asta nan tabata konsiderá tenementu di katibu komo algu hustifiká pa Beibel. Tabata konsiderá katibunan komo opheto na lugá di un hende kompletu. E maldishon di Noë pa su nietu Kanaan (Genesis 9) a hunga un ròl importante. Ta’tin protestant tambe ku ta’tin katibu. Iglesia Protestant awe: humildat Komo protestantnan di Kòrsou djawe, nos ta sinti nos mes konektá ku e protestantnan di ántes. Nos ta mesun kurpa dor di siglonan. Pero nos tin nos konosementu históriko i teológiko djawendia. Desaroyo di komprenshon ta pone ku - teniendo kuenta ku e konosementu djawó - nos ta humiá nos mes pa e erornan kometé pa nos antepasadonan. Pa e erornan ei nos ta pidi pordon ku un kurason sinsero, na desendientenan di esnan ku a sufri pisá bou di aktitut di Iglesia Protestant relashoná ku katibunan. Futuro Komo protestantnan na Kòrsou den siglo 21, nos lo resistí sistemanan moderno di sklabitut i diskriminashon riba nos isla. Nos ta luchando pa rekonsiliashon total”. E deklarashon ta firmá pa Konseho Sentral di Verenigde Protestantse Gemeente (V.P.G.) notisia360/?p=35480&preview=true
Posted on: Sat, 17 Aug 2013 22:41:24 +0000
Trending Topics
Recently Viewed Topics
© 2015