## THLADO 15 LAWRKHAWM: ## Inter-Cottage Visit: Liemtah tarik 13 June, 2014 (Zirtawni) zan khan Pillangkatta-Maikhuli Cottage Service han Kharghuli Cottage Service hai kanna an nei. Hi huna hin Upa Lalmalsawm Hmar in Pathien thu a rawngbawlna a neia, fellowship hai neiin an hlim tlang hle niin thu ei dawng a. Mi fekhawm an thahnem hle a, inhawi khawm an ti hle niin thu ei dawng sa bawk. Hieng ang Area inkantuona hi nei rawp a that hmel thu hi huna fekhawm hai chun an hril. ## HSA Platinum Jubilee Celebration Committee: Zani tarik 14 June, 2014 khan Pu Albert Sitlhou, Gen.Secretary HSA Jt. Hqrs Guwahati hai In, Pillangkatta ah HSA Platinum Jubilee Celebration Organizing Committee Meeting nei a nih. Hi huna hin ei hma a hung tlung ding tarik 28 August, 2014 a Fresher’s Meet cum HSA Platinum Jubilee Celebration ei hmangna ding le inzawmin thu iemanizat an rel a. Platinum Jubilee hi Bawng le Vawk meu thata ropui taka hmang dingin an sukthluk niin thu ei dawng. Chu el bakah, HSA Platinum Band hai indinin, Local Artist le Guest Artist hai leh rimawi tieng pang khawm burip taka nei dinga thang lak an tum bawk. Nghakhla a um ta khawp el! Hi hunser pawimawtak hi hlawtling taka ei hmang theina dingin mitinin tawngtaina’n lo hrie seng ei tiu.
Posted on: Mon, 16 Jun 2014 08:35:17 +0000
Trending Topics
Recently Viewed Topics
© 2015