## THLATUN 27 LAWRKHAWM: ## Pillangkata - Maikhuli KTP: Pillangkatta-Maikhuli thalai pawl hai chun liemtah tarik 24 April, 2014 khan Fellowship Chapel sukfaia hnatlangna an nei. Member fekhawm an thahnem, hle niin chanchin ei dawng a. Liemtah tarik 23 April, 2014 zan khawm khan Area Service thuoitu Upa Lalmalsawm, Pu Thangtinmang Sitlhou le Tv. Joseph Khobung hai inrawina hnuoiah Fellowship Chapel a bawk KTP thuoitu ding hai thlangna an nei. Kum 2014-2015 sunga thuoitu dinga an thlang tling hai chu hieng a hnuoia hai hi an nih: Chairman : Tv. Liberty Hmar Secretary : Nk. Manasia Laldinthar Asst. Secy. : Tv. Mathew Hrangate Fin. Secy. : Nk. Elizabeth Fimate Treasurer : Nk. Jubilee Pulamte Com. Member : i) Tv. James Songate ii) Tv. Hosea Keivom iii) Nk. Sunshine ## KTP Sports Follow-up cum Prize Distribution Programme: Voisun Sunday School tin hin KTP, GHCF hai chun haiin Sports Follow-up cum Prize Distribution Programme Fellowship Chapel, Pillangkatta ah hmang an tih. Nu le Pa le Thalai hai khawm an phur tlang ta hle ni a chanchin dawng a nih. BEST GROUP tu hai am ning an ta? ti hi mipui titi suktamtu pakhat chu a nih. Group pali hai hin a thu le tawngbau ringawt chun BEST an ni seng a, hi huna hin a tak tak puong langin a um ding a nih. Zantieng ruoi kil tlangna um nghal abwk a tih. A thang naw hai chu lenlai chan an ni el ding niin organizer haia inthawka ei thu dawngna chun a hril. ## Sin Thar: Ei member Tv. Derick L Khawbung S/o (L) Prof. Lalnghawrlien, Sielmat khawmin MPSC exam chu a lo buontluk ve der tah. Ama hi tuhin Guwahati ah Indian Overseas Bank (IOB) a Asst. Manager sin chel lai mek a nih. A hlawtlingna ei lawmpui hle laizingin, a sin a zawm pha a mi maksan ding a ni leiin inpam a um hle. Nunghak ruol bengvar hun lai tak a ni hmel! Hmabak pei a sinthawna khawm hung hlawtling pei dingin ditsakna ei inhlan nghak bawk. ## Handmade & Sales Table: Hung tlung ding tarik 04 May, 2014 khin Nuhmei Pawl, GHCF hai chun kum danga an lo thaw hlak angin Handmade & Sales Table huoihawt nawk an tih. Hi huna hin kut thiem thil hai, tlang hmeruo le fak ding inhnik tak tak inchawk thei dingin chawi khawm ning an tih. Mitin in Nuhmei Pawl hai rawngbawlna a thang ve theina hun a ni ang hrimin, thahnemngaina insuoh a dawr seng dingin an thuoitu haia inthawk ngenna ei hmu bawk. ## Postal Exam: Vawisun hin Postal Depart chun All India Level Competitive exam huoihawt a tih. Hi Exama thang ding hi ei member khawm mi thahnem tawk tak an um ni a hriet a nih a. Tha taka exam an peka hlawtlingna an chang theina dingin lo tawngtaipui ei tiu.
Posted on: Mon, 28 Apr 2014 09:37:38 +0000
Trending Topics
Recently Viewed Topics
© 2015