#ZF_ISL ATLETICO COACH KHAN PIRES KUT A THLAK - ZICO FC Goa coach Zico chuan nizan lam a 2-1 a Atletico de Kolkata an hneh loh na inkhel ah Atletico de Kolkata coach Antonio Lopez Habas chuan Robert Pires kut a thlak niin a sawi. Zico chuan, Nizan kan inkhel result khan duhthu a sam lo hle a ni. Goal thun theih na hun remchang kan ngah a, kan ti goal thei tlat lo. Football ah hetiang thil hi a thleng fo tawh thin a, kan tum puite kha team tha tak an ni. Atletico de Kolkata coach Habas khan kan marquee player Robert Pires kha half time chawlh laia tunnel lam an pan laiin kut a thlak a, thil zahthlak tak a ni. Robert Pires hi player tha tak a ni a, dawt a sawi duh ka ring lova, amah (Pires) ngeiin Atletico coach in a hmai a kut a thlak thu min hrilh a, kei erawh chuan engmah ka hmu ve lo. Amaherawhchu CCTV atang chhui a awlsam dawn hle a ni. Ka player te second half ah an zam hle tih an hmel ah a lang a, half time chawlh lai pawh in ka fuih nasa hle a ni. tiin a sawi. Japan coach hlui Zico chuan Atletico chu khelh harsa a tih thu leh tharum an hman nasat thu a sawi a, American football khel ang hial a angaih thu leh Gregory Arnolin chunga Fikru chet dan chu rapthlak a tih thu a sawi lang bawk. Brazil pa ropui Zico chuan,“FC Goa hi football dik tak khelh duh mi kan ni a, thianghlim tak a khelh kan duh thin. Kan game hnuhnung pathum ah yellow card pahnih chiah kan la hmu a, midang tih nat leh thinrim chung a khelh kan duh ngai lo. Amaherawhchu team dang chuan American football khel ang maiin an khel a, Atletico coach chet dan leh Gregory tauh lui tu Fikru chet dan kha hmu chiah lo mah ila complaint erawh kan theh lut ang. tiin a lungawi loh thu a sawi.
Posted on: Fri, 24 Oct 2014 06:54:18 +0000
Trending Topics
Recently Viewed Topics
© 2015