#تنظير #حدف_طوب #خرافة_الأستعمار #الأستشراق #أفريقيا #يمين_متطرف #تاريخ #بوب_مارلي ما تقراش الكلام دة لو انت يساري او مصدق ان الغرب الأستعماري الأمبريالي الوحش هو السبب الرئيسي في فقر و تخلف العالم الثالث .سنة 79 كانت أغلب أفريقيا اتحررت بأستثناء جنوب افريقيا و روديسيا الشرقية.انظار العالم كانت بتتابع المعارك المسلحة و السياسية الي بيخضوها المناضلين هناك.القضية دي الهمت بوب مارلي,ايقونة الأغنية الثورية في وقتها- بأغنيتة الشهيرة "زيمبابوي" الي سجلها سنة 79.بعدها بسنة المعجزة حصلت,البيض ها يسيبوا روديسيا و اسمها ها يبقي زيمبابوي!الأبطال المنفيين زي روبرت موجابي رجعوا البلاد و تم التخلص من الأمبريالية و المستقبل مشرق و خالي من التبعية لأمريكا او روسيا او انجلترا.اخيرا افريقيا للأفارقة.علي الفور تم دعوة النجم الثائر المثقف علشان يغني في الذكري الأولي للتحرر.في 17 ابريل 1980 وقف بوب مارلي في أستاد روفارو في هراري في حضور عشرات الألاف من المناضلين و المقاتلين و الجمهور علشان يغني "زيمبابوي" زي منتوا شايفين في الفيديو دة.خلال الحفلة حصل كلاشات كبيرة و تم اطلاق قنابل الغاز علي المقاتلين السابقين الي اعترضوا و حاولوا اقتحام المسرح لأنهم اتحرموا من دخول المكان الي اتملي بالمحاسيب و الحبايب.بعد كام سنة بوب مارلي مات بالسرطان(الي جالة من نص جيناتة الأبيض,جينات كابتن مارلي) و موجابي بقي رئيس وزراء.سنين بعدها دخلت البلاد في شبة حرب اهلية بين الفصائل القومية و بين الماركسيين.موجابي اترقي بعد 7 سنين و بقي رئيس جمهورية ثم دكتاتور و قاعد لحد دلوقتي.موجابي الي مهواش محسوب علي اي حد من الأطراف الدولية و شغال علي شعبة ببروباجندا المؤامرات الأمبريالية قتل و عذب و شرد في 33 سنة عدد يمكن يكون اكبر من ضحايا نظام الفصل العنصري في 100 سنة.معدلات المواليد و متوسط حياة الفرد و توزيع الثروة و الفساد كارثية و تعتبر من الأسوأ في العالم.زيمبابوي مش جارة لأسرائيل,لا فية نفوذ اجنبي مسيطر و مركب دكتاتور موالي للغرب ولا هما بياخدوا حاجة من الغرب اساسا.الحقيقة ان الخراب جة من جوة.و الحقيقة برضة ان الأذي الي عملوة ابناء العالم الثالث في نفسيهم و في اولاد بلدهم اكبر بكتير من الضرر (الكبير والي محدش بينكرة) الي عملة الأستعمار.من 500 سنة كان السود مثلا بيأسروا بعض في غرب افريقيا و بيبيعوا بعض للتجار العرب الي بدورهم بيبيعوهم للأوروبيين.فككوا بقي من الكراريس الي بيوزعوها عليكوا و ما تبقوش نصوصيين زي السلفيين و شغلوا دماغكم شوية!!!
Posted on: Sat, 01 Jun 2013 22:06:16 +0000
Trending Topics
Recently Viewed Topics
© 2015