2 saal ka nanha sa bacha apne papa ke kandhon par jhool raha hai. 5 saal ki shreya jo abhi tak papa ke ghutno tak jitni lambi hai, hathon se papa ki shirt khich rahi hai. papa is famous restaurent ke speakers main baj rahi ek amrici dhun, jismein symphony baj rahi hai, par jhoom rahe hain. kaali T-Shirt pehne jispe likha huya hai "let us serve you", waiter idhar udhar ghum ke kabhi order lete hain, kabhi paani ka jug liye yahaan se wahaan jaati hain. zindgi is air conditioned famous restauent main baithe huye thehri si lagti hai. comfortable seatein aur kuch complex, kuch fraustration. mere saath mera dost baitha huya hai. usne ek waitress se naam pucha hai. jigyasa. ab wo pooch raha hai k "jigyasa, aap facebook pe hain ya nahi" ? Ab jigyasa jaa chuki hai table se. hmaari aur us baap beta beti k table k beech ek lakdi ki partition hai. 5 saal ki shreya apne bhai k saath table ki partition k uper se meri taraf dekh rahi hai. jivan saral hai. sappasht bhi. ab dono bache apne table se hmaare block tak bhaag rahe hain. kabhi idher kabhi udhar. bhaagte bhaagtey table se garlic chutni ki botle toot gayi. papa chilaaye - "Shreya, thapad padeya tujhe,tik k baith ja".. hmaara bill aa gaya hai. thoda jyada aaya hai. shreya,uska bhai, papa,mummy bhi kursi se bill dekar uth chuke hain. shreya fir se papa ki shirt khich rahi hai. speakers main fir wahi americi dhun baj rahi hai. shreya, uska bhai papa mummy k saath lift se neeche chali gayi. har pal main kitna kuch hai dekhne k liye.. - Gursimran Datla
Posted on: Sun, 29 Sep 2013 19:09:11 +0000
Trending Topics
Recently Viewed Topics
© 2015