[3] Miserere mei, Deus, secundum magnam misericordiam tuam et secundum multitudinem miserationum tuarum dele iniquitatem meam. Miserere mei, Deus. [4] Amplius lava me ab iniquitate mea et a peccato meo munda me. Miserere mei, Deus. [5] Quoniam iniquitatem meam ego cognosco, et peccatum meum contra me est semper. Miserere mei, Deus. [6] Tibi soli peccavi et malum coram te feci, ut justificeris in sermonibus tuis, et vincas cum judicaris. Miserere mei, Deus. [7] Ecce enim in iniquitatibus conceptus sum, et in peccatis concepit me mater mea. Miserere mei, Deus. [8] Ecce enim veritatem dilexisti incerta et occulta sapientiae tuae manifestasti mihi. Miserere mei, Deus. [9] Asperges me, Domine, hyssopo, et mundabor; lavabis me, et super nivem dealbabor. Miserere mei, Deus. [10] Auditui meo dabis gaudium et laetitiam, et exultabunt ossa humiliata. Miserere mei, Deus. [11] Averte faciem tuam a peccatis meis, et omnes iniquitates meas dele. Miserere mei, Deus. [12] Cor mundum crea in me, Deus, et spiritum rectum innova in visceribus meis. Miserere mei, Deus. [13] Ne proicias me a facie tua et spiritum sanctum tuum ne auferas a me. Miserere mei, Deus. [14] Redde mihi laetitiam salutaris tui et spiritu principali confirma me. Miserere mei, Deus. [15] Docebo iniquos vias tuas, et impii ad te convertentur. Miserere mei, Deus. [16] Libera me de sanguinibus, Deus, Deus salutis meae, et exultabit lingua mea justitiam tuam. Miserere mei, Deus. [17] Domine labia mea aperies, et os meum annunciabit laudem tuam. Miserere mei, Deus. [18] Quoniam si voluisses sacrificium dedissem utique holocaustis non delectaberis. Miserere mei, Deus. [19] Sacrificium Deo spiritus contribulatus: cor contritum et humiliatum, Deus, non despicies. Miserere mei, Deus. [20] Benigne fac, Domine, in bona voluntate tua Sion, ut aedificentur muri Ierusalem. Miserere mei, Deus. [21] Tunc acceptabis sacrificium iustitiae, oblationes et holocausta; tunc imponent super altare tuum vitulos. Miserere mei, Deus.
Posted on: Wed, 25 Sep 2013 02:58:46 +0000
Trending Topics
Recently Viewed Topics
© 2015