3 اخبار نراها مهمة الجمعة هاذي ..اوّلها الحركة الّي صارت في المجلس التاسيسي و الّي جابت لجنة الانتخابات الجاية "التفاهمات الي صارت باهية و تبشّر بحد ادنى من التوافق في البلاد" بربي اك الّي يحب التصعيد و موش عاجبو العجب ..يعمل روحه ما قراش خاتر انا مقتنعة الي التوافق هو الحل في تونس موش العنف من اي طرف.. ثانيها ..مرسي في مصر يواجه في تهمة الخيانة العضمى قريبا قدام النيابة و التخابر مع تركيا و الخوانجية حول العالم نهار 30 جوان الفايت حيث انّه طلب بالتلفون كومندوس يهرّبو من مقرّ الحرس الجمهوري .. ثالثها و اهمها الفايسبوك التونسي مليان كذب و مبالغات و هزّان و سبطان ..وينو العلمي ؟؟ ويني السلفية في شط حلق الواد في رمضان ؟؟ ويني الحرب الاهلية متاع حماية المقدسات ؟؟ ما فم شئ ..ممكن المناطق الداخلية تعاني كيما عانات في السنين الفايتة من الجهل و التّسكير و التّربيط ..عادي يعني ماناش في سويسرا ..أما الباقي هاني العباد عاملة على كيفها و خارية في كيف الخوانجية و كل فول لاهي في نوارتو في الوقت الحالي .. اي ابداو اخدمو على التحضير للانتخابات مع احزابكم فمّاش ما نشوطو النهضة و السلفية ل 30 في المية ..و نرتاحو من مناظرهم بأخفّ الاضرار ..
Posted on: Mon, 22 Jul 2013 15:44:17 +0000
Trending Topics
© 2015