3November Galati 6:2 Pakhat le pakhat nan thilrit sawngaw uhla cuticun Khrih ih daan cu nan kimter ding. Nau kan neih hlan cu Ceupi nu in Rakhine ram kan mission hnatuannak ah i thlun theu. Veikhat cu kan tlunglam Bus parah a kedam loin a rak kai. Ka mangbang ih na kedam teh tiah ka sut. Minde khua ih Daw Pa Yun (nuhmei pitar) kedam neilote ka zaangfak tuk ih ka kedam ka pekta...tiah a ti. Taungkok kan thlen hnuah kedam kan leisal. Kanmah te phurh tengteng dingmi thilrit kan nei fingfing (Eg: Innsang pa ttuanvo cu mahte phurh ding hrimhrim a si). Asinan phurh bawmawk ttulmi thilrit kan nei theu. Sumsaw in...ruahnak peknak in...Thlarau thazang peknak in siseh...thilri peknak in...taksa lam tuamhlawm awknak in siseh...pakhat le pakhat kan thilrit kan sawng aw thei. Paul in Pakhat le pakhat nan thilrit nan sawngawk tikah Khrih ih daan nan kimter a si a ti (Gala.6:2). Cutin nan tuah tikah thinnemnak in tuah uh a ti (Gal. 6:1). Thinnemnak timi cu Thlarau Thianghlim ih uk-neh mi nun ihsin a suakmi Thlarau rah a si (Gal. 5:22). Jesuh ih lungput khal a si (Mtt.11:29). Khristian cun midang thilrit phurh bawm hi phurhrit ah an ruat dah lo. Thlawsuah mi hlawmnak ah an ruat ih an lung a nuam. Jesuh in cahnak a pek hai ih thilrit mi sawngtu an si lawng siloin anmai phurhrit khal zaangten an phur thei a si (Jeauh ih kawn cun ziangkim phurh a olte Mt.11:29).
Posted on: Mon, 03 Nov 2014 00:30:03 +0000
Trending Topics
Recently Viewed Topics
© 2015