A.M NEWS! From our studio we send greetings give all Jesse people weh get the zeal to make the Kingdom a better place. Tafia don sit down count plenty rich men weh come from the kingdom weh dem deh hear their name for everywhere yet dem nor even get small house for Jesse and some very high chiefs weh get say for the kingdom matter yet na another place dem deh stay because dem deh fear their own people. Tafia don still see say our people get company for other places, deh employ plenty people outside yet dem nor deh come homecome even give slot to the kind people weh dem need make our people for better. Unu weh get company for outside make unu know say if unu die na here dem go bring unu body and make unu know now say we nor deh shop dead body. Before before dem say our people nor dehe go school but now we get plenty graduates for the kingdom, plenty master degree holders and plenty ND and HND holders. Make we summon the communual living weh our fathers take deh shop their food together, deh gather clear each other farms and deh gather mill oil turn by turn. Make we nor too deh carried away with the riches of this world and make our thought nor just deh to make only our life better because even if only one person come get money for the kingdom nor be still good name. Unu weh get job vacancy for unu company or working place Tafia beg unu make unu first consider people from the kingdom for employment, Tafia go help unu recruit trusted graduates weh fit deliver at the top level and unu don make the kingdom proud for such employment. In the past our own people deh use mouth spoil our own thing but make we know say life don change and our people don open eye. People don deh use big man proud and dem deh protect wetin dem get too. As all of us don gree say JESSE MUST BETTER so make we all contribute to sustain am because if unu give person job today the joy go make people know say unu don try. Rich men full here weh get money but dem deh fear and the fear deh make dem carry their wealth go their wife side if dem nor marry from here. So the mansions weh dem suppose build here go deh other places weh don open before. And make unu know say if unu nor build here who go build here for unu? Tafia reserve better regards give our people weh don deh build modern houses for the kingdom. Weh fear nor let dem carry their money go develop other people places but weh remember their own place. Tafia pray for unu all this morning say as unu nor fear build so nothing go kill unu leave unu property and God go protect unu and plus say our gods go provide for unu too. Opel Agadiyo as unu don get money reach so unu nor fit fill the bad spot weh deh unu front so? Unu deh even drop dirty put again. Make unu maintain o make Tafia nor vex talk about unu girls children orukuruku. Tafia don tell Tipper operators make dem help maintain the roads but dem nor gree so Tafia deh prepare to stop their operation as dem deh contribute to the bad roads weh we deh get so and everybody must contribute he own quota. Sunday NEPA make unu do the load sharing well because some transformer never balance. While some carry load, others never get load at all because we need to carefully take care of the transformer since na only 2 upriser dem put so. Hon Nani and Jude Fregene Tafia join hand with the entire kingdom take beg unu make unugo complete the upriser ifunu get the kingdom for unu hear because na that one go make the transformer work fully and ego still make am last because na that one go make am fit carry load well and 150,000 Naira nor go kill unu. Tafia still deh tour the Kingdom. Make I quick enter road go Ajawini this morning. JESSE MUST BETTER!
Posted on: Wed, 28 Aug 2013 07:22:46 +0000
Trending Topics
Recently Viewed Topics
© 2015