AFRICAN FOOTBALLER THA BER YAYA TOURE Man City midfielder Yaya Toure chu Confederation of African Football African a(CAF) tan thlan a ni a, tun hi he chawimawina a zawn a tum li a dawnna niin hetiang dawng thei hmasa ber a ni. Kum 31 mi Toure hi season hmasa khan a khelhna club in Premier League title an lak theihna leh League Cup an chawi theihna atan a player pawimawh tak a ni a, hei vang hian he chawimawina dawng thei tur zinga a hming pawh hi chhawpchhuah a ni.Chutiang bawk in an ram Ivory Coast chu Africa Cup of Nations 2015 khel tur a an tlin theihnan a thawh hlawk hle bawk a ni. A hnuaiah hian Gabon striker Pierre Emerick Aubameyang leh Nigeria goalkeeper Vincent Enyeama te an awm bawk. Season hmasa a Premier League title an chawi tum khan midfielder ni chungin Toure hian Man City tan goal 20 a khung a, Capital One Cup final, nikum march thlaa Wimbley stadium ah khan 3-1 a Sunderland an hneh tumin an si phurh sutna goal a thun bawk. Man City tan competition hrang hrangah tum 26 inlanin chutiang atang chuan goal 26 a thunsak bawk a ni.
Posted on: Sun, 11 Jan 2015 14:31:02 +0000
Trending Topics
Recently Viewed Topics
© 2015