AIZAWL---INDIAN INCOME TAX MAP ah.. Thu rinawm tak ka dawn danin... tun ni 15 November , 2014 atang hian kan Aizawl khawpui ah ngei pawh Income Tax department chuan Aizawl Ward siam tharin Income Tax Officer in an rawn thut chilh ve tawh dawn ani. Heti anih chuan Mizoram atanga Income Tax pe ho, hnam dang, Company, NGO etc te tan Silchar ah kal buai ziah a ngai tawh dawn lova. Tax return hi online a tih vek tawh niin khawi hmun atang pawhin file theih mahse IT kaihhnawih lehkha pawimawh ( Mizo changkang deuh ten kan mamawh fo, No Income certificate emaw Exemption certificate etc etc) chu Aizawl atangin kan la ve zung zung tawh dawn ani. He IT office Aizawl a rawn awm avang hian Mizo ( Scheduled Tribe) te hian Mizoram chhung ( Scheduled area, kawi surutin) atanga kan INCOME atangin Income Tax kan pe ve tawh nghal dawn tihna a la nilo ania, Mizo Kristian hausa pui pui, Dikna Pathian ringtute khan in lo hlau nghal ngawt ang e. Amah erawh chu , Tribal nihna avanga exemption awm map lo, WEALTH TAX ( kan mi hausa in leh lo ngah zual te chuan pek ngei tur chi ah..) erawh chu a rawn hnai kuar tawh dawn tihna ani. Khasi ho te phei chu Tribal niin an State pum mai khu Tribal area a la ni chung khuan Khasi hausa ho khu chuan Wealth Tax hi an lo pe mawlh mawlh tawh asin. AMC ho lahin Property Tax lak an tum la thei lek lova kan tih buai nasat tak lutuk avangin Chunglamin kawng dang a rawn siam ni hmiang...ka ti mai. He Income Tax subject hi Mizoram tan chhandamna hnai vai tur ani e tia forum hrang hrang a ka lo tlangau ve thin avanga hmusit leh sit lemlo, awih leh awih lemlo taka HRIAT INCOME TAX-a min ti thin tute pawh khan kan Pathian hian a hun takah zel kan ram leh hnam tan hian a rorelna hlawh chham ve ngailo chu a rawn thlen tir chho mek ani tih hi Ringtu kan nih angin i pawm ang u. Kan ne ne emaw kan ho hulh kum khua thei dawn lo. Kan State sawrkarin sum leh pai a harsat chhoh zel dawn avangin picnic style a ram hruai tum te tan hmun a awmlo chho dawn... Missionary rilru pua ram hruai cho te lo in tat hriam tan ru le...
Posted on: Thu, 13 Nov 2014 04:48:12 +0000
Trending Topics
Recently Viewed Topics
© 2015