ALES (“AKADEMİK PERSONEL VE LİSANSÜSTÜ EĞİTİME GİRİŞ SINAVI”) Bu imtahan Türkiyədə ali məktəb müəllim və tədqiqatçılarının, Türkiyədə magistratura və doktorantura təhsili almaq istəyənlərin və Türkiyədən xaricə göndəriləcək magistr tələbələrinin seçilməsi üçün keçirilir. Türkiyədə ali təhsilin magistr və doktorantura pillələrini tezli olaraq (diplom işi yazılaraq – tezisli) qazanmaq istəyən həm türkiyəli həm də xarici ölkə vətəndaşları bu imtahanda iştirak etməlidirlər. İmtahana bakalavr və magistr məzunları ilə son kurs tələbələri müraciət edə bilərlər . İmtahan ildə iki dəfə (Yaz- Payız) keçirilir. ALES İmtahanın nəticəsi 3 il etibarlıdır. İmtahan test üsulu ilə keçirilir: 2 dəqiq və 2 humanitar bölümdən ibarətdir. Sayısal (Dəqiq elmlər) – 1 və 2 testlərinin hər biri 50, Sözel (Humanitar) 1 və 2 testlərinin hər biri 50 sualdır. Sayısal bölüm riyaziyyat (cəbr+həndəsə) və riyazi məntiq sualları; Sözəl bölüm Türkçə və humanitar (sözel) məntiq suallarından ibarətdir. Toplam 200 sualdan seçiləcək ixtisasa görə 150 sual cavablandırılacaqdır. Məsələn, mühəndislik ixtisasları üzrə magistr oxumaq istəyənlər Sayısal 1, Sayısal 2 və Sözel-1 testlərini cavablayacaqdır.
Posted on: Thu, 21 Nov 2013 14:08:42 +0000