ALEXANDER THE GREAT-A DUHTHUSAM HNUHNUNG MAKSAK Thi maithei dinhmuna a din hnu chuan a khum bulah a khawnbawl upa te chu a ko khawm a, a duhthusam hnuhnung chu a hrilh a. Chungte chu.. 1. Doctor thiam ber ber ten a kuang chu an zawn tur a ni. 2. A rosum khawl khawm sa zawng zawng (pawisa, rangkachak, lunghlu etc..) chu amah vuina kawngah chuan an theh darh tur a ni. 3. A kut pahnih chu a kuang chhung atanga dah chhuakin an uai chhuah tir tur a ni... A sawi zawh chuan a khawnbawl upa pakhat chuan a duhthusam hnuhnung chu a hriatthiam loh thu sawiin sawifiah leh deuh turin a ngen zui a, tichuan ani chuan tihian a sawifiah zui leh ta a... 1. Ka ruang dahna kuang Doctor thiam ber ber te zawn tura ka duh nachhan chu, Siamtu hun ruat alo thlen meuh hi chuan he khawvel doctor-te thiamna sang tak hian awmzia a neih chuan loh zia tih lan ka duh vang a ni a. 2. Min vuina tur kawnga ka rosum khawlkhawm sate theh darh ka duh nachhan chu mi zawng zawng hian he khawvela kan khawlkhawm rosumte hi chuan he khawvel bak hi an pel dawn lova ni tih hi hria se ka duh vang a ni. 3. Ka kut pahnih kuang chhung atanga dah chhuah ka duh nachhan chu mite hian he khawvelah hian kutruakin kan lo lut a, kutruak bawkin kan chhuahsan leh dawn a ni tih hi hre reng se ka duh vang a ni. Khawvela kan rohlu ber Kan hun neihte hi kan hman zawh tawh chuan kutruaka chhuahsan bak tih theih kan nei tawh lova. Hun hi kan thil neih hlu ber a ni, achhan chu tawp chin a neih tlat vangin. Rosum hausakna te hi chu kan peipung thei a, mahse Hun erawh kan tipung thei silo. Mi tu emaw hnena kan hun hlu tak kan pek hian kan neih let leh theih ngai tawh loh tur kan damchhung hun kan pe then tihna a ni a, CHUVANG CHUAN THIAN DUHTAK, I CHHUNGTE LEH I THIANTE HNENA I THIL PEK THEIH HLU BER MAI CHU I HUN KHA A NI. LALPAN HUN TAM TAK PEK BELH CHE U SELA, FINNA TAM TAK MIDANG HNENA HRILH CHHAWN TUR IN NEIH THEIH NAN..TICHUAN HLIM LEH THLAMUANG TAKIN HE KHAWVEL HI IN CHHUAHSAN THEI DAWN A NI.
Posted on: Tue, 09 Sep 2014 01:44:05 +0000
Trending Topics
Recently Viewed Topics
© 2015