ARAB LEAGUE HAN ISLAMIC STATE BEI DINGIN THUTIEM Sep 8, 2014: Zani (Sunday) khan Arab ram foreign minister han Cairo-ah Arab League meeting an nei a, chutaka chun Islamic State hai a theina senga bei ding le a thei ang ang bei dingin thutiem an lak a, khawvel pum le a ram biel ang khawma thawtlang pei an remti Sipai le ram ro inrelna ah khawm chieng fek fawk a thawtlang dinga thutlukna siem hi angai a ni, tiin Arab League chief Nabilel-Araby chun Sunday khan a hril. Hi Arab League hin thla hmasa-a UN Security Council thurel, an member ramhai an ngenna, ramdang mihai beina tukdei tu le Iraq le Syria rama Islamic State helhai dona kawnga sum le pai le kawngdanga thangpui dingin an pawmpuia an laklut (endored) nghal bawk. El-Araby chun Arab ram sunga mani le main inbeina chu tha a ti nawa, Arab League member 22 sungkuo-ah hma a lak ding a ni a ti bawk. Arab ram thenkhathan an ramsung buoina (internal crisis) a Arab League inrawl an remtinaw a, chuonglaiin ramdang mihai (foreign intervention) tading ruok chun sipai tieng chenin kawng zau takin an hawng bawk si a ni, a ti. El-Araby chun Arab defence treaty khawm a tul huna sipai chet phalpek dingin a ngen bawk a, hi sipai inrelbawlna (military action) hi Arab Leaue joint denfence keihruoina hnuoiah um sien tiin a rawt bawk. Foreign minister hrang hranghai khawmin Islamic State ngena Iraq le Syria ramsunga tharum thawna hmanga chona nasa tak an siem chungchang hi an hril bawk. Palestinian President Mahmoud Abbas khawmin hi chungchangah hin ama chanpuol (concern) hrilangin tuolsung le ramsung a Arab ramhai le Islam sakhuoin buoina (threat) a hmasawn mek chu dawkana hrilfel ding a ni a ti. President Barack Obama chun kar hmasak khan hieng Arab ramhai hi sipai hratna hmangding le Iraq le Syria-a Sunni Muslim hai thlawp a, IS hai bei dingin alo ngen tah a ni. Hienglai hin US indo vuongna hai chun Sunday zingkar chen khan Iraq khawthlang tienga Islamic State fighter hai bei sunzawmin an huong an zau pei a ni. ARAB LEAGUE MEMBER HAI: Algeria Bahrain Comoros Djibouti Egypt Iraq Jordan Kuwait Lebanon Libya Mauritania Morocco Oman State of Palestine (proclaimed) Qatar Saudi Arabia Somalia Sudan Syria Tunisia United Arab Emirates Yemen
Posted on: Mon, 08 Sep 2014 17:10:02 +0000
Trending Topics
Recently Viewed Topics
© 2015