ASUU DON STAND SAY DEM STRIKE GO CONTINUE.. ..THE Academic Staff Union of Universities, ASUU, yesterday don reject de Federal Government’s new offer of de enhanced academic allowee, dem talk say make government first implement in full de 2009 agreement before dem bring any other negotiation. Dr. Nasir de National President of ASUU, follow news men talk, ihn yan say after de branch chairmen of de union sidon talk on the new government offer, members no gri accept am, ihm yan say if dem accept am na to dey start negotiation from de beginning and ih no go make brain. “We tell FG say de issue no be to dey make offers on any item for de agreement. The issue na to implement de agreement. We don consult our principal (branch chairmen) and dem opinion na for FG to implement de Agreement. .. From Nsukka Zone, Chairman of Nsukka Zone of ASUU, Dr. Chidi Osuagwu, According to am, ASUU dey feel embarrassed as de rumour dey go up and down say dem go call off strike tomorrow. Ihn don stand for ihn ground say de strike go continue unless de 2009 ASUU-FGN agreement dey fully implemented. ..From Benin Zone, De Academic Staff Union of Universities, ASUU, yesterday dem mind say dem go like stay for house up to 10 years than for dem to call off dem strike wey dem start five weeks ago. ...As ih stands now Na for Federal Government to implement dem 2009 Agreement coz AGREEMENT NA AGREEMENT..
Posted on: Wed, 31 Jul 2013 12:12:15 +0000
Trending Topics
Recently Viewed Topics
© 2015