AW KHAWAH NGE MAW I AWM TAK LE? Khawvel hmachhawn ngam tur leh tum ruhna nasa tak min petu, ka hmangaih leh ka duat em em, i tan chauh a ka nun zawng zawng hlan duh khawpin min siam a, ka hlimna zawng zawng i kutah a awm thin zia hi tunah hian ka hre chiah asin, mahse maw? khang kan nunhlui zawng zawngte leh kan hlimlai nite kan in ngaih ngawih ngawih lai nite kha tunah chuan mumang ang mai an chang zo dawn tawh si a, hlim taka kan awmdunlai te, i aw ka beng a fiahlo ruai a la cham veng veng chauh ringawt pawh hi ka tan chuan a va han hlu tehlul em! In in atanga ka chhuah chiah khan ka rilru takah chuan, min rawn thlah leh a hlim taka innuih leh ver ver beiseiin leh kan intawn leh hun tur nghak hlel takin ka chhuak kha ani a, mahse, i lung ka ti awi zo ve ngang silo pawh a ni mahna le, ka hlimna chuan a daih reilo ngei mai, in in ka hlat telh telh a, ka chan hi ka chiang telh telh a, tunah meuh chuan, kan nunhlui liam ta te kha lungleng tak a chhui kir mai loh chu tih theih dang reng ka nei ta lo. Kan hlim dun em em laite leh inngai tak leh inthlahlel taka kan awmlai te khan, nangmah min ngaih tir a, aw..... kan inhmuh thiam loh lai hlei hlei te khan asin ka lunglen hi ti zual ni. Awle... tunah chuan ka hlimna leh lawmna zawngte, ka lungngaihna zawng zawng hi i hnenah a awm ani tih ka chiang ta e, heti em em hian ka lo hmangaih che in, i thatna tur heti em em hian ka lo duh a ni tih reng ka lo inhre ngailo! tunah chuan eng ang pawhin awm la, i hlimna kha ka duh ber asin, ngaihzawng dang emaw pasal hial pawh lo nei dawn mah la, i hlimna tur a nih dawn phawt chuan kei chuan hlim takin ka thlah thei reng che tih hi lo hre ve hram ang che aw? Hlim takin awm la i thiltih leh chet velnaah te i tan a hlimna tur hlirin hual che sela ka va han ti tehlul em, Engtiklai pawh hian i hlim thu leh i dam that thu hi hre reng fo thei ila, i lungngai hmel hmuh ka duhlo ang hian, i lungngai a ni tih pawh hi hriat ka duhlo a! hreawm i tuar tih leh lek phei chu hrelo hram ila ka va han ti tehlul em! Amaherawhchu, lungngaihna leh mangan changte i nei ve fo chuan ka ring a, hreawm tih ngawih ngawih chang nite pawh i lo nei ve fo thei bawk.Chutiang hun hreawm leh lungngaih thlak nite i lo tawk hlauh a nih chun, Hman a HMANGAIH em em thintu che khan a la hmangaih reng che tih i rawn hre fo dawn nia aw? Kei chu min rawn ngaihtuah ve tawhlo mahla, ka demlo che a, i hlim tih leh i dam tha ani tih ka hriatna ringawt pawh hian ka nun chu a khalh ding zo dawn si a, kei pawh hian hreawmna leh lungngaihna ka hmachhawn hun leh puitu ka mamawh em em nite a lo thleng ve ngei a nga, beisei leh chuang tur nei tawhlo hman a i Duat em em thin-a hian, mahni in ka hmachhawn tawh dawn si a, ka tuar anga ka tuar chhuak thei zel ang. Chutih hunah tak chuan ani, “ AW KHAWIAH NGE MAW I AWM TAK LE? ” tiin ka beiseina chaurau tak leh beiseina sang tawhlo tak hian, a la rawn zawng ru fo dawn che asin.....
Posted on: Mon, 05 Aug 2013 09:19:32 +0000
Trending Topics
Recently Viewed Topics
© 2015