AW NANG POLITICS KA KHÊL NGAM LO CHE... (Ham that ka duh ve si...!) Hmn.. A ngam ngam khan comment rawh u. Dawihzep tan hmun a awm lo ve... Hnamthlan Zoram... Ram chu Lalpa tâ kan ti ve thlazen a.. Tak tak ni se a hlauhawm dawn mang e ! Puithiam Elia-te chhungkua leh Israel lalte chungah khan Chunglam khi a polite lêm lo hle tih kan hmu âwm e. A dik tak chuan maw... Israel fate khan an thiltih an thulh phah ai chuan an ti reng a, hremtu chu Van a ni. Ram hruaitu thlanna lo thleng turah hian, Akana anga hnam tana ânchhe khung lûtmi kan thlang ang tih a va hlauhawm em! Ram chu Lalpa ta a nih tak zet si chuan, mipakhat chauh tluktirtu pawh buhrawtsawmna lung awrhtir a, Gehena-a paih luh an nih dawn si chuan... Bumhmang leh mi pamhamte chu anmahni leh an chhungte dinhmun a hlauhawm hmasa ber dawn si a.. Dawt hmanga ram hmangaihtute chuan han dâwn chiang tak tak se la.. Hlauh nachang hre hlawm tak ang maw!? An chung a pik dawn si a! Hamthat duh vanga Minister hmaa dangmawn lang hlûia nui thinte u, kan politiciante ârchuk tuilo khawpa siamtu in ni asin...! Hnam bawhchhiatna marphu chu in ni. In chung a pik e! Mahni infak leh midang sawisêl thiam ringawt ni lo, ram hmangaihtu Zoram hian a va han mamawh tak em!! Mahni mawngkaw thang chê chêa phun phun tâwk vel thalai rual, lei to ngam ngam pâk hûrh hûrh hote hi ram hmelma tenawm ber kan ni mai lovang maw!? Pi leh pute khalh kal sa ringawta chhek bûrh bûrh, dak ve zuah zuah, mahnia ngaihdan mumal nei ngam îk lote hi harh a va hun em! Ram thanmawhbâwk mai kan lo ni...! Hamthat duh kan ram tâna mithate ke pheta chil zuitu, nang inti Minister chhungkhat hnaivai, harh rawh i hlau lo em ni!? Central sawrkar zem khat zen theuh theuh mi ramah chuan e, tuifinriatahte leilawn an dawh purh purh asin! Kei ni zawng khawtlang tana thawhrim aiin sum thlawn kan ûm a bâng hek lo! Ram dang kut chhuak leiba erh urh chunga châwk lut urh urh a, inchhek ârbâwm ve chiam chiam ringawt lova, he Zoram leilung leh a chhunga malsawmna tinreng ther fer fur leh, thiam loh nei lo Zofate kut chhuak hmanga khawvel ramdang chawm thei khawp siam chhuak thiam, mi chak he RAM hian a va han mamawh tak em!! Ka ram, i ram, kan ram leh hnam ngei hi eng ang mihring kutah nge i hlan dawn le!?? I HARH CHIANG MEUH ANG MAW!?
Posted on: Sat, 31 Aug 2013 18:08:15 +0000
Trending Topics
Recently Viewed Topics
© 2015