AYAT SARITU Kingatka jaku Aku ti ngasuh nuan kering sereta berani: anang takut tauka lemi semengat, laban Aku, TUHAN Allah Taala nuan bisi enggau nuan di sebarang endur nuan bejalai. (Joshua 1:9) PERAGAM Taja jaku tu disebut ngagai Joshua lebuh iya nukar Moses nyadi ketuai orang Israel, jaku tu mega ulih dikena kitai maya diatu. Munyi ku bacha ari Masmur 139, Allah Taala bejanji deka enggau orang ti enggau bendar ngangggauka Iya. Ba Matthew 28:18-20, Jesus mega bejanji deka enggau rasul Iya selalu dataika pengujung dunya. SAMPI Apai ti kasih, aku beterima kasih ka janji Nuan nya lalu aku endang arapka Nuan bisi enggau aku dalam semua pengawa aku, nyengkaum pengawa aku ti deka bekerjaka Nuan. Beri meh aku pengering ati ngambika aku selalu nemu Nuan bisi enggau aku. Beri aku mega confiden nerima tulong and pengerindu ari Nuan maya aku mutarka serta betempuh enggau semua chalenj dalam pengidup aku. Dalam nama Jesus aku besampi. Amen.
Posted on: Mon, 09 Sep 2013 23:48:09 +0000