According to BBC,Nigeria is now the biggest economy in Africa....Before nko?..No be she get private jets more than any country for world? Every year him diasporan community dey inject $50 million into her economy and the economy dey robust well well.She get representation for Forbes ratings,having produced the richest man in Africa.$20 million miss and him economy no shake.N700 billion of subsidy funds enter private pockets and the country still dey kampe.Since 1999 till date N55 trillion don enter them Ogas for the top offshore accounts and country no divide.All the companies and industry don die patapata still the country dey joli joli.More than 70% of him young graduate no get job and they are very hopeful.Even sef him young men whey get masters and Ph.D don become truck drivers and bus conductor and them dey contribute to stimulate economic growth well well.The country don ban importation of tokunboh cars and now we don dey manufacture nigerian car for Enugu and Kaduna dey manufacture Peugeot well well.Nigeria don get satellite for space.All him cities na solar dey give electricity for him people.Him airport for Lagos busy pass terminal 5 for Heathrow.That of calabar busy pass airport whey dey New York.The one whey dey kano pass that of Dubai.And no jobless man dey for nigeria lai lai and goverment come try for security of lives and property so tay,that Nigerians now sleep with their two eyes wide opened.This BBC don confuse well well.Them be kolo mental..if no be kolo,how you go see the biggest economy in the world and come say she only big for Africa?This BBC na nothing but terrorist for news reporting...Mtchewww !!!
Posted on: Sun, 06 Apr 2014 16:46:20 +0000
Trending Topics
Recently Viewed Topics
© 2015