Adel Fouad مشكلة الاخوان تتلخص في انهم عايزنا ندخل عالمهم مش هما اللي يطلعوا لينا ، عايزنا نشوف الدنيا زي ما هما شايفنها وده في حد ذاته غباء لاني اكيد خلفيتي الثقافية و التربية و النشأة مختلفة عنك كشخص اتربي في جماعة مغلقة ذات اهداف محددة و خاصة بالجماعة دي بس ، انتا عالمك صحابك الاخوان و اهلك اللي غالبا برده اخوان و قياداتك اللي هي برده اخوان " انا لا اقلل من اهدافك ولا ثقافتك ولا رؤيتك ولا نشأتك انا احاول توضيح الفارق والاختلاف " وانا اهدافي شخصية في الغالب وان كان ممكن تندمج مع اهداف اكبر بسهولة و تربيتي متنوعة بين ناس و ثقافات مختلفة منهم الملتزم دينيا جدا و الصايع بعنف ومنهم المسلمين و المسيحين " وعلى نفس الدرجة من القرب الشخصي ليا " ومنهم المثقف و السطحي و الامي فانا بطبيعة الحال عالمي هو الناس البلد الشارع عالمي هو مصر ، فبطبيعة الحال انا عالمي اكبر من عالمك ، فمتحاولش تقنعني اني ادخل عالمك الصغير واكون فرد في منظومتك اللي انتا بتديرها بفكرك الضيق المغلق على ما تعرفه فقط ، و مش عايز تطلع انتا للعالم الاوسع الاشمل وتندمج فيه و تفكك من نظرية المؤامرة اللي انتو عايشين فيها من سنة 28 ، ابهر العالم بفعلك مش بخبثك و حبكك للصفقات و تقولي سياسة ، بطل وعود بما لا تملك ولا حتى تستطيع ، من الاخر اطلعلي عشان انا مش هدخلك . mohamed fouD
Posted on: Wed, 19 Jun 2013 12:48:36 +0000
Trending Topics
Recently Viewed Topics
© 2015