Aizawl atrangin keini Thingtlang ho Sumo chu sawnchhuah an tum leh tawh!!!!??? Khawpuimi te tana Aizawl hi tihthawl an duh anih chuan kan pan chhan leh kan mamawhna ang hi Thingtlangmi te tana awlsam taka hmuh theih turin chhawp chhuak ve se aniang chu. District hrang hrang a hmasawnna awm tur Aizawl ah awm zawk sela ti deuh tlat tu te hian kan sawi hi engahmah an ngai dawn chuang silo a, a pawmawm theih ber tur, tu bengkhawn lemlohin lo sawi ve mai mai teh ang. # Aizawl luhka Bawngkawn, Sairang road, Thuampui, Ngaizel ah te hian Shopping Mall lian tak mamawh hrang hrang lam theihna tur siam nisela, Big Bazaar, Reliance etc hi an rawn lut trep tawh em ka hrelo, Veng laili lai ah ni lo hmun lo pe teh se. Parking Space thra tak nei ngei bawk rawh se. Bungraw phurh trun angaihloh chuan Bus pawn kan rawn pan fel thek mai ang. Zarkawt/Dawrpui vela mamawh leikhawm angaih hian Taxi hman angai zel dawn tlat, Taxi tlan a tam chuan a thawl phah lo tawp ang. # Damdawi tlan a Aizawl rawn pan chhen ngailo hian District Hospital te hi thuam thra sela, thawktu indaih teh se. Sumo Service a tlem phah deuh ang chu # Industrial Estate hi anihna angin hman nisela, dawr theihin awm bawk teh se. Sofa etc Showroom hi Showroom ang chauhin hman nisela, Showroom atranga Bungraw lei, lakchhuah leh dahluh hian Traffic jam a siam fo tlat. Mimi Sangtea :P :D # Mahni chauh a chhuak, bungraw phur emaw, weather in a zir lohvang ni si lo a chhuakvak duh chuan ke a kan kal anihloh chuan 2 wheeler chauh chhuahpui ni se. (Aizawlah hian Thirsakawr hi engvanga uar duh miahlo nge kan nih le? Changkang tak, Gear nei ang chi te kha chu chho ah pawh a rah a nuam viau asin mawle) # Garage/ parking lot lian tak hi siam nise, mahni inbul a garage nei lo ho zawngin dah sela, Inkhatin Motor 1 bak kawtah hung lo ta sela. Garage/ Parking lot hi AMC in a enkawl chuan sum hnar thra tak ani ngei ang. Vehicle hi Luxury Item a chhiar anih avangin a nei thei chuan a enkawl zuina a nei ngei tur a ni. Garage a a car etc dah kha aman va lam kherlo in a hman duh hunah Garage enkawltute khan Driver an rawn dah tir mai ang a. Garage a dahman leh Driver velah hian pawisa a seng nual ang. A afford lo anih chuan leilo mai rawh se, KAN MAMAWH BELH LO. # Sorkar Office Building etc hi chu sawi peih vel lo e a :( A thawktu te hian Office hour a Mitthi ral, Inneih/Mo lawm etc hi an tihtur, an mawhphurhna liau liau a an ngai anih pawn file pending hi nei teh suh se, File pending teivet vang hian Thingtlangmi hi Aizawlah kan cham rei phah fo mai, khawpui ti tawttu mai kan nih hi. # Kawngkal te hian kan ti chep em em bawk, kawngsir a inzui diah diah thei awm tak hi athrianga kal kan tum tlat zel ve bawk a, inhrilh tam nise a thra ngawt mai. School teacher te chan anih hmel Ka point ho khi a inzawm tehchiam pawn ka hre leh lo deuh, pawilo type sei laklawh tawh :P :D THINGTLANGPA rilru hi chu khawpuimi tan chuan pawm a har deuh maithei, in changkang thei bik si :P
Posted on: Mon, 24 Nov 2014 04:00:48 +0000
Trending Topics
Recently Viewed Topics
© 2015