Aksidenti tragjik, i ndodhur në orën 21 e 20 minuta në Krrabë të Tiranës, i ka marrë jetën deputetit të Partisë Demokratike, Sokol Olldashi. Makina ka rënë në humnerë, në afërsi të vendit të quajtur Lapidari në Krrabë. Forcat policore në vendin e ngjarjes kanë qenë të ndihmuara edhe nga zjarrfikëset dhe autoambulancat, por nuk kanë arritur dot të nxjerrin trupin, të ndodhur në automjetin e shkatërruar nga dëmtimet. Trupi i zotit Olldashi u nxor nga automjeti tip Benz, pas më shumë se dy orësh nga ndodhja e aksidentit. Trupi i zotit Olldashi u dërgua në Policia nuk ka nxjerrë një përfundim për shkaqet e aksidentit tragjik, por sipas saj ekspertiza do të kryhet brenda orëve në vazhdim, për të pasur që herët në mëngjesin e së enjtes një shkak zyrtar të këtij aksidenti tragjik. Paraprakisht, thuhet se rruga ka qenë e lagësht dhe deputeti Olldashi mund të ketë humbur kontrollin e mjetit, si pasojë e zhvendosjes së automjetit nga rruga. Në vendin e ngjarjes mbërriten menjëherë të gjithë figurat publike në vend, një pjesë e madhe e drejtuesve të Partisë Demokratike, ministri i Brendshem Saimir Tahiri, ministri i Shëndetësisë, si dhe deputetë të tjerë socialistë. Trupi i pajetë i ish-deputetit Olldashi, në morgun e QSUT-së Nga vendngjarja, siç ka raportuar gazetarja Lira Burgija, është mësuar se zoti Olldashi ka qenë duke udhëtuar me mjetin tip Benz, nga Elbasani në drejtim të Tiranës. Për shkak të motit të keq dhe shpejtësisë së lartë, mjeti ka rënë në një humnerë prej rreth 10-15 metrash nga rruga. Automjeti ka qenë i përmbysur dhe janë dashur rreth 2 orë, që forcat policore dhe ato të zjarrfikësve të drejtojnë mjetin dhe të nxjerrin trupin e deputetit Sokol Olldashi. Në vendngjarje kanë qenë të pranishëm shumë figura, përfshi Ilir Metën, Taulant Ballën, Mesila Dodën dhe Flamur Nokën. Të pranishëm kanë qenë edhe bashkëshortja dhe familjarë të deputetit të ndjerë, që kanë qëndruar së bashku me Mesila Dodën dhe deputetë të tjerë të Partisë Demokratike. Pasi trupi është futur në autoambulancë për t’u transportuar në Tiranë, të gjithë të tjerët janë nisur drejt Tiranës dhe janë vendosur në morgun e QSUT-së. Tashmë është bërë e mundur edhe vendosja e mjetit të Olldashit në karrotrec. Aksidenti mund të ketë ndodhur rreth 500 metra larg daljes së tunelit, në pjesën e vjetër të aksit rrugor. Ndërsa sipas raportimeve të gazetarit Thimi Samarxhiu, në morgun e QSUT janë gjendur i gjithë grupi parlamentar i PD-së dhe deputetë të PS-së, por dhe ministri i Shëndetësisë, Ilir Beqja. Të pranishëm janë edhe familjarët e deputetit, në pritje të marrjes së trupit nga morgu, pas kryerjes së ekspertizës.
Posted on: Thu, 21 Nov 2013 00:09:49 +0000
Recently Viewed Topics
© 2015