Aladdin Hammouda By Aladdin Hammouda الكتكوت .......... والنبـــــوت : سألنى أحد أصدقائى الفيسبوكيين ايه المقصود بحكايه الكتكوت شايل نبوت وياقلبى لا تحزن " ؟ اسمحوا لى اشرح وجهة نظرى ببساطه ......أنا احب الحوار باسلوب ساخر جدا ومؤدب جدا وموضوعى جدا وطبعا كده فيه 3 جدا وده مش لطيف لكن باختصار اذا تخيلنا حجم الكتكوت ...اتخن كتكوت ....هيكون حجمه ووزنه ايـــــه؟ الله أعلم كام جرام ؟ حتى لو كان الكتكوت ده مامته مزغطاه فول ماركه المفتقه السحريه لايمكن هيكون له وزن تقيل لانه مازال كتكوت ...... طيب ده اللى يخص الكتكوت امال ايه حكاية النبوت ؟ طبعا معروف ايه هو النبوت وشكله واستخدامه والوانه وممكن اللى مش عارف ياخد بعضه ويتفسح بعربيته لللاسكندريه وهيلاقى مافيش معاناه انه يقف عند الناس الى بتبيع النبابيت على يمين وشمال الطريق وساعتها يتكيف ويشترى النبوت الى يعجبه واللون الى يعجبه طبعا بالسعر الى يعجب بياع النبوت ... ويحط النبوت جنبه وساعتها هيشعر بانه قوى ومسنود وفخور انه لو أى حد يتعرضله هيقدر يديلو بالنبوت ويتوكل على الله من غير مايلاقى حديقوله انت عملت ايه ولا ضربت مين ولا موت مين ....كل واحد يعمل اللى عايزه لان احنا فى اوكازيون شـــيـــطانى رائع ومالوش مثيل وقانون الغابه ياعينى هرب من الدولاب الى كان فيه فى مديريات الامن والوزارات واتعمل منه حوالى مليون نسخه اتوزعوا بقدرة قادر لوحدهم على الارصفة فى شوارع مصر المحروسه وببلاش . طيب عرفنا ما يخص الكتكوتت وشكل ولون واستخدام النبوت .... ايه العلاقه بأه بين الكتكوت والنبوت ؟ ياساده هذه العلاقه محتاجه 25 دكتور امراض نفسيه وحوالى 30 اختصاصى اجتماعى وحوالى 1000 باحث يدخلوا على شبكه النت ويبحثوا الاسباب الى خلت المصريين من بعد تاريخ 18 فبراير 2011 يتبارو فى الاتى ووالله تسامحونى فيما أقول : عدم الثقه - التخوين - التجريح - القذف والسب باقذر الالفاظ - الاتهام بالباطل- الانــــــــــــا وبس - اذا هتيجى معايا هحميك مش هتبأه معايا هتبأه ضدى وهعمل فيك ....و......و.....( وطبعا مش هتلحق تشتكينى لانك هتكون فوق فى مكان لذيذ مش عارف ازاى باظبط لكن المهم هتكون متكيف اجدع من الارض بكتير ومش عارف ساعتها هتدعيلى والا هتدعى علية ؟ ) واخيرا لكم ان تتخيلوا ان فيه كتكوت غلبان ياعينى شايل نبوت كبير هل ده ممكن ؟ ده مستحيل الا فى أفلام توم اند جيرى اهو احنا ياساده فى هذا المستحيل فعلا والى ماكانش ممكن واحد فينا يتخيل انه هنوصل لكده فى يوم من الايام وده ولا فى الاحلام علشان كده اسمحوا لى استخدام الجمله الساخره الى اخترعتها لموافقه ما نحن فيه وأعد حضراتكم بالله العظيم بتغييرها فور حدوث المعجزه والانتهاء من هذه الاوضاع ولكم التحيه والسلام ........علاء الدين حموده (Bee#) ~ Download to see & send fun emoticons on Facebook myemoticons ~
Posted on: Sat, 22 Jun 2013 11:13:03 +0000
Trending Topics
Recently Viewed Topics
© 2015