Aladdin Hammouda Yesterday بسم الله الرحمن الرحيم والصلاة والسلام على من أقامه الله ميزان العدل والحق الصادق الوعد الأمين وآل بيته الطاهرين المطهرين .......................................................................... عايز أتكلم بالعربى البلدى مع السيد الجميل بن بلدى اللى هو مدوخنى من فترة ومش عارف أرتاح فى بلدى . :::::::::::::::::::::::::::::::::::::::::::::::::::: رسالتى هوجزها فى نقاط واضحة : 1 = يوم 6 أكتوبر باذن الله شعب مصر نازل انشاء الله بالملايين أكتر من أى مرة فى التاريخ ...رد الجميل لجيش مصر اللى انتصر ورفع راس المصريين والعرب فى أكتوبر 1973 ...ده صح ...لكن فيه نية جميلة عند الملايين دى ....نازلة تقول : ياسيسى انت رافض تكون رئيس لمصر ....واحنا بنقول هتكون رئيس لمصر ...شوف ...لو صوتك غلب صوتنا ...بلاش ترشح نفسك ....ولو صوتنا غلب صوتك يبأه هتكون رئيسنا . طبعا واضح الاجابة ...اذا مبروك لشعب مصر (((مبروك مبروك ))) ::::::::::::::::::::::::::::::::::::::::::::::::::::::::::::: 2 = ترشيح حضرتك هيوفر لكل واحد عايز يرشح نفسه ملايين كتير والملايين دى هتكون كالآتى من مصادرها : ===اما هتكون من ماله الخاص === أو هيستلفها من واحد صاحبه ويردهالو بعد ما ينجح لو نجح . === او دولة صديقة هاتقوله خد اللى عايزه ...وهتدينا اللى عايزينه وكل لبيب بالاشارة يفهم . === أو دولة اقليمية أو غربية من الأعداء وتقوله هنصرف عليك لغاية لما تقعد على الكرسى وبعدين ياتاخدنا جنبك على الكرسى نحكم مصر سوا سوا ... ياهتكون على الكرسى واحنا اللى هنحكم من غير سوا سوا ... === او هياخد فلوس الدولة ...ويقولهم لما ربنا يسهل أردهلكم وأنا أحكم مصر براحتى . والراجل ده صعب يكون موجود . :::::::::::::::::::::::::::::::::::::::::::::::::::::::::::: 3 = قبولك المنصب بمزاج الشعب حضرتك هتكون : الرئيس والقائد الأعلى للقوات المسلحة وتعين قائد أعلى ووزير دفاع فيه المواصفات اللى تناسب مصر وقدرات مصر فى شخصية قويه أمينة وطنية وتكون راضى عن أداؤه لخبرة حضرتك السابقة وهتكون الزعيم الجديد للأمة العربية اللى هى محتاجاك دلوقتى للظروف اللى بتمر بيها الامة العربية ::::::::::::::::::::::::::::::::::::::::::::::: 4 = انشاء الله يوم 6 أكتوبر سعادتك تتكرم وتتواضع وتتعاطف معانا احنا اللى بنحبك وتقول .....((وافقت )) أو تعلنها عن طريق المتحدث العسكرى اللى الستات بتحبه واحنا كمان مع اننا رجالة أوى وهوالعميد فيه قبول جميل ويقول :....مبروك علينا ياشعب مصر السيسى عملها وقبل يكون زعيم لشعب مصر بأوامر شعب مصر ...وساعتها هيكون أول (رئيس قائد زعيم محبوب مطلوب بالعاجل لأى دولة فى التاريخ) لأن دايما القاعدة الطبيعية بتقول ...الراجل بيجرى ورا الكرسى والكرسى مدوخ (الراجل ) لكن المرة دى الكرس بيجرى ورا الراجل والراجل دوووووب (رجلين الكرسى) . ::::::::::::::::::::::::::::::::::::::::::::::::::::::::::::::::::: 5 = عدم قبول حضرتك تكون الريس هيعمل مشكلة كبيرة ....لو تخيلنا جاء2 أو 3 مرشحين للرياسة تانى ....الناس مش هتكون راضية ...وهيتم انقسام فى الترشيح ...وهندور فى دايرة مش حلوه ...ودعوات الناس هتكون مش جميلة للمرشحين ...ولو نجح حد بالعافية ...هيقعد على الكرسى وهيكون : مهزوز ...ومش واثق فى نفسه وأصحاب السوء اللى حوالية ( البطانة يعنى ) هيقولوله شيل السيسى وعين حد علشان تعرف تحكم البلد ....هيحاول يشيل سعادتك ...ممكن الناس تولع فيه وفى الحاشية بتاعته ...والبلد تخرب واحنا مش ناقصين بلاوى تانى ياكبير ....وساعتها مش هترضى عن اللى حصل وممكن الشعب من وراك يكلف شوية لواءات بيحبوك وبيحبونا يحطوا لحضرتك منوم بالليل ...وينقلوا سعادتك من المقر بتاعك وساعدتك نايم ...يروحوا على قصر الرياسة وتصحى سعادتك تلاقيك قاعد على الكرس ؟؟؟ طيب ساعتها الكرسى هيكون مزأطط والناس لما تعرف الخبر هتزأطط وتزغرد ...طيب ماتخليها بجميلة من دلوقتى وتفرح الحبايب يازعيم . :::::::::::::::::::::::::::::::::::::::::::::::::::::::::::::::::::: 6 = شوف بأه حضرتك النتائج الايجابية لو أعلنت يوم 6 ومش 7 اكتوبر : فورا شوف مكاسب البورصه هتوصل أد أيه. شوف تأييد الدول العربية اللى كانت مستنية تشوف مصير مصر ايه ( هتستقر والا هتتبهدل والا هتخرب حسب المخططات المرسومه والا والا والا !!!!!!!!!!!!!!!!!) شوف هتكون جبرت بخاطر وزير السياحة ورجالته اللى بذلوا مجهود رائع بالأمس القريب وتم رفع الحظر عن السفر لمصر من حوالى 15 دولة ....وشوف عدد الدول هيوصل لكام ....فورا وفى تانى يوم ....وشوف لما يكون حوالى 12 مليون مستفيدين من مجال السياحة والصناعات اللى حواليها هيدعولك وشوف بأه دعاء 12 مليون من السياحة فقط غير الملايين التانية فى كل المجالات ... شوف سعادتك ايه اللى هيحصل فى الوزارات التانية والروح اللى هتدب فى الوزرات والناس كلها ؟؟؟؟؟ماهو خللى بال حضرتك ....الروح فى المصريين دى روح عجيبة غريبة مافيش زيها فى شعوب العالم ...الروح دى يازعيم لما بتقوم بتعمل المعجزات .... واحنا محتاجين دلوقتى للروح دى وبسرعة جدا . ::::::::::::::::::::::::::::::::::::::::::::::::::::::::::::::::: 7 = لما هتوافق يازعيم ....كل شيئ هيتزبط وكل جبان هيخش الجحر أوام أوام ..... والناس من وراك هتكون زى الوحوش ...وممكن أمور كتير من غير تعب تلاقيها بقت عال العال ....ويتم الانتخابات البرلمانية بانضباط ....بالعربى الفصيح ((( كل شيئ هيتعدل صح ))) ورغم عن أنف الحاقدين والحاسدين والمنشقين والمخربين والجماعات واللى ورا الجماعات وهيصابوا باليأس والاحباط علشان عارفين وشافوا قبل كده لما الراجل قال ياللــــــه الكل وراه قال معاك ياكبير . :::::::::::::::::::::::::::::::::::::::::::::::::::::::::::::::::::: يصراحة أنا تعبت من الكلام وياريت حد ياخد الميكروفون أو الكيبورد أو اللابتوب ويشتغل شوية خللينا نفرح ونزأطط فى عيد الجيش وفى عيد هيكون عيد مصر انشاء الله ... وأخيرا ياسيادة الفريق أول السيسى ....فيه كلام كتير تانى بس ده كلام ما ينفعش على الفيسبوك ...انشاء الله أوصل للرياسة وسيادتك تحدد موعد أشرف بيك ويكون فيه شاى بالحليب ...علشان ده كلام تبع حضرة النبى وآل البيت وربنا يجيب الخير ... لك التحية العسكرية والمدنية بالحب والتقدير والاعزاز .....من أغلب الشعب المصرى وربنا يحميك ويحمى جيش مصر وشرطة مصر وكل رجالة مصر والقائمين على راحة شعب مصر فى مناسبة تسعد مصر وشعب مصر ::::::::::::::::::::::::::::::::::::::::::::::::::::::: علاء الدين حموده 4 – 10 – 2013 الجمعة المباركة
Posted on: Sat, 05 Oct 2013 12:59:58 +0000
Trending Topics
Recently Viewed Topics
© 2015