Amapete yo hejuru mu bgoko bg’Abanyamurenge mu mateka Ubganditsi Ku munsi 1/8/2013 Mu kiganiro EMERA UWO URIWE c’uku kwezi k’umunani, 2013, turagaruka ku mapete yambitswe abasoda b’Abanyamurenge muri Repubulika iharanira demokarasi ya Congo. Mu mateka yabo, kuva babayeho, iyi yabaye incuro ya mbere Abanyamurenge bambara amapete yo ku rwego rwo hejuru (urwego rwa General Major). Dusubiye inyuma buke, Abanyamurenge baranzwe n’ubutwari budasubirwaho haba muri Congo ndetse no mu mahanga, harimo n’intambara yabohoye u Rwanda muri 1994. Ariko kubera kwigizwayo no kubuzwa amahirwe, bagiye bimwa imyanya ikomeye ndetse no kwambikwa amapete bari bakwiriye. Barwanye intambara nyinshi kandi barazitsinda, ariko ntibagororewe nk’abandi. Mu kwezi gushize kwa karindwi, abasoda b’Abanyamurenge baributswe ubgo bazamurwaga mu ntera na Perezida Joseph Kabila. Mu bushobozi ahabga n’itegeko nshinga rya Congo, mu basoda bazamuwe harimo Abanyamurenge batanu (5): General Major Charles Bisengimana (uyu yari yasomewe irya Lt. General nyuma baza kuvuga ko bihenze; ni nawe uyoboye Polisi ya Congo), General Major Pacifique Masunzu, General Major Malick Kijege, General de Brigade Eric Ruhorimbere, na General de Brigade Padiri Muhizi. N’ubgambere mu mateka y’Abanyamurenge bagira abasoda batandatu (6) bari ku rwego rwa General. Aha turavuga na General de Brigade Moustapha Mukiza Kayoyo. Nubgo bakiri mu ntambara yo kutemerwa nk’Abakongomani, Abanyamurenge bari mu nzego zo hejuru kandi zishimishije muri Congo, haba mu gisoda, mu gipolisi (nibo bakiyoboye) ndetse no mu yindi myanya ya Leta. Umunyamurenge aho uri hose kw’isi, ntiwari ukwiriye kwikandagira; menya yuko ufite igihugu nubgo hari abandika yuko ntaco ufite. Horana ishema ry’uwo uriwe. Uri intwari kandi urashoboye.
Posted on: Fri, 02 Aug 2013 07:04:06 +0000
Trending Topics
Recently Viewed Topics
© 2015