Article : Thianghlimna Leh Media Kan hriat theuh angin Media hi kan inbiak pawh tawnna hmanraw tangkai tak a ni a, mi tam takin a rual a kan dawn theih leh kan hman tangkai em em hi Mass Media an ti a, Tin keimahni ngeiin a kan awka leh chetzia a thu awmze nei a kan entir reng reng hi Media chuan a huap tel vek a, hei hi Presentational media an ti a ni. Khawvel thang zelah hian mihring nun hi a khawih danglam nasa hle a, a tangkaina sawi tur tam tak a awm laiin a tha lo zawng a hman theih hi tam tak a awm bawk a ni. Kan kawmthlang leh Kohhran ah hian Media hman tangkai dan hi tun aia nasa hian in zirtir thin ila, hmasawnna pawimawh tak kan lo nei tihna a lo ni dawn a ni. Kan hriat hauh loh lai a min zirtir rengtu chu kan thil hmuh leh hriat hi a ni thin a, heng te hi Mass media in a keng tel vek a ni. Tunlai sualna langsar zual mipat hmeichhiat hman dik loh hlemhletna hrang hrang, zu leh damdawi hman khawloh, dan bawhchhiatna, tharum thawhna leh tualthah thleng hian Mass media chuan a huam a, thil tha lo tam tak kar ah hian mihring te thianghliman hi a bo zo vek thin a, heng thil te hian a hranpa in sual ti turin min fuih hauh lova, kan rilru lamah nasa takin min kai peng thin a, lehkhabu chhiar leh film en atang te hian kan khaw hawi kan tih zauh viau laiina tha lo lam pawh zir tel a hlauhawm klhawp mai. A tir a sual ang a lang lem lo pawm zam hian keimahni ah sual in hmun a khuar zui duh viau. Tunlai a hmanraw tangkai tak a kan neih computer te pawh hi telephone -a thlunzawm in Internet a tang hian kan thil hriat duh engkim mai hi awlsam tak in a hmeh chhuah zung zung theih a ni. He thil hmang tangkai duh tan chuan thil tha tak a ni awm e. Heng Internet- atang hianSakhaw duk dak lo thil tam tak min zirtir mek bawk a, USA rama sakhaw kal sual pakhat Heaven’s Gate an tih ho pawh khan Internet-a website hmangin an thurin an vawrh darh thin a nih kha, hetiangthil tha lo tam tak hi hmuh tur leh hriat tur a tam leh nghal a, chuvangin hma sawn zel lai hian heng kan hmasawnna te hian kan nun a ti bawlhhlawh thei em tih in zawt ila, thianghlimna kawng ata min hruai peng em tih in zawt in fimkhur tak leh uluk tak a kan kal pui a tul hle tawh a ni. George L.Ralte, Member, Mizo Academy of Letters
Posted on: Sun, 11 Aug 2013 02:33:24 +0000
Trending Topics
Recently Viewed Topics
© 2015