August 1, 2013 – RU BALITA ALAS KWATRO NABUNTAGAN matod pa ang Commission on Elections aron sa pag-akomodar sa ulahing adlaw sa buot magparehistro aron makabotar sa Barangay ug Sangguniang Kabataan kon SK elections. Gipasabot sa Radyo Ultra ni Atty. Aleli Ramirez nga sa kadaghan sa mga nagparehistro naabtan gayud sila sa kadlawon, apan wala na matod pay lugway nga gihatag. Alang sa mga wala pa makaparehistro, ang pahimangno sa Comelec nga abli ang ilang buhatan matag adlaw human sa piliay sa bulan sa Oktubre ning tuiga. (Ramirez 1) Ang pamahayag ni Atty. Ramirez. Nasayran atol sa deadline sa registration kagahapon, midagsa ang mga tawo sa tourism hall kung asa klase-klase ang rason sa mga nasampit nganong gusto nilang magparehistro. Gani, adunay uban nagkanayon nga gihakot sila sa ilang barangay official, samtang aduna usab uban nagkonpirma nga gi-require matod pa sila isip iskolar sa usa ka politiko nga magparehistro. Luyo nga wala pa maihap ang katibuk-ang talaan, gibutyag ni Ramirez nga kapin sa 10 mil ang midugang nga bag-ong mga botante sa regular, samtang dili mo-ubos sa 15 mil ang nagparehistrong mga Sangguniang Kabataan kon SK. -o0o-
Posted on: Thu, 01 Aug 2013 22:34:13 +0000
Trending Topics
Recently Viewed Topics
© 2015