Av og á, so royni eg, í míni fákunnu, at víðka mær um horisontin. Serliga nú, eg havi hoyrt Kárapost so leingi, og tað víðkar so ikki um nakað uttan stiknið til politikarar.So eg fór at hvessa mær vitið, og las ein blogg í Skúlablaðnum, sum ein ungur komandi læraraspíri á Námsvísindadeildini á Fróðskaparsetri Føroya hevði skrivað. Men nú sat eg sum kánus, skilti ikki eitt orð av mínum “móðurmáli” longur. Ungi læraraalvin skrivar: “Vit skuldu velja okkum inn á ein verkstað í fakinum Skapandi Læra. Stríðsmentan, ítróttur ella lutaleikir vóru at velja í. Eg skilji so dánt skapandi læra, av tí at tað stendur við stórum, so hevur tað allarhelst okkurt við skapanarverkið at gera, men mær hóvar nú einki, at tey royna at ganga inn á Várharra á Námsvísindadeildini, tað nærkast blasfemi. Men sigið onkur mær, hvat er stríðsmentan og lutaleikur?
Posted on: Mon, 24 Jun 2013 19:19:59 +0000