Aye (i) by Caoimhin Tomasz In amongst thistles and bonnie flowers Employment contracts wi’ zero hours The subsidy junkie starts tae glower An’ clears his throat Too long has he been dis-empowered So on that note… Bold Cam’ron sic a chance he’d gie Tae cast a vote an set us free But some ay us can hardly see Wits there afore us A nation of our own we’d be But ah implore yeez Tae think, dae we need aw this oil Money for our pensioners tae spoil Wi heat and grub for aw the toil They’ve did afore us Why give when we’ll get nuhhin back A banker’s chorus O’ laughs ring round as we debate They swipe the mince right aff our plate An leave us wi’ nae compensate But tak a bonus How kin this leave ye no irate The hours upon us Metaphorically they whip our backs Wi’ nonsense like the bedroom tax We can save oursel’s frae these attacks And calm the stress Ye can shove yer devolution max We’re voting Yes Though if we choose the negative Wi’ that decision we’ll need tae live Under rules devised, South-Eastern spivs Wi’ ego’s bloated Who claim they’re representative But nae soul voted For these charlatans, these glaikit tories Who through the rags spin lies and stories Maist of which serve just tae bore yeez We get nae breaks Frae the blether that’s uttered by these phonies We’re marking X Aside the box that tells ye ‘Aye’ Frae Dalmuir tae the Isle a Skye We’ll cast a vote, you cast your eye 18th September The date the saltire yet shall fly But we’ll remember The good times that we both have shared Christ, damage that will be repaired Frae illegal wars and tax ensnared It’s our intention To go it alone, we urnae scared, Of being a nation Perhaps the future isnae clear But excitements scrapping wae the fear This chance to change our country dear We have tae grasp it ‘United Kingdom’ makes me sneer Right hen, yer past it The world oh, it could be inspired If we free ourselves wi’ nae shots fired A shining light, a burning pyre Scotia could be One small cross and our desire We can be free
Posted on: Thu, 15 May 2014 21:38:34 +0000