Añanako Kuadrilla 24 orduetan Vitoria-Gasteizetik N-1 errepidetik abiatuko gara Madrileranzko norabidean, Trespuenteserantz desbideratuz, non Zadorra ibaiaren gaineko erdi aroko zubia ikus dezakegun. Haren aurrean aukera bi daukagu: gurutzatuz gero bideak Iruñako Oppidum-era eramango gaitu (hiri erromatar baten indusketak); zubia gurutzatu beharrean errepidea gurutzatzen duen bideak Santa Catalina monasterioaren aurrietan sortutako Lorategi Botanikora eramango gaitu. Iruña Okara joko dugu (Eliza, iturria eta ikuztegia plazan) eta herria zeharkatzerakoan A-3314 errepidera aterako gara eta honek Koartangoko Haranera eramango gaitu, zeinean xarma bereziko txoko eta liluragarriak diren zubi, errota eta Urbina-Basabeko monumentu multzo ederra, Bertako Parkea eta Escolumbeko Andra Mariaren Santutegia eta bestelakoak aurkituko ditugun. A-3314 Errepide beretik bueltan Pobesen A-2622 errepidea hartuko dugu eta Gesaltza Añanara helduko gara non Gatz Harana eta Acre-ko San Juan-en Monasterioa izango ditugun gure gozamenerako. Errepidetik Espejoranzko norabidean jaitsiz gero Tuestara sar gaitezke bertako eliza erromanikoa ikustera. Espejotik pasatutakoan Villanañera joko dugu bertan Varonatarren Dorre ikusgarria eta Angostoko Santutegia bere atsedenleku gune bereziarekin baitaude. Gaubean, mendi ibiltari eta naturazaleek Valderejoko Parke Naturala aurkituko dute, zeinera Lalastratik, multzo etnografiko interesgarria osotzen duen herria, heltzen den. Interes-guneak Trespuestes: Santa Catalinako Lorategi Botanikoa, Iruñako Oppiduma Urbina Basabe: Dorretxea Gesaltza Añana: Gatz Harana, Acre-ko San Juan-en Monasterioa, Parroki Eliza Tuesta: Portale ikusgarria duen Jasokundearen Eliza erromanikoa Villanañe: Varonatarren Dorrea, Angosto-ko Santutegia cuadrilladeanana.es/turismoa/cada-ruta.php?identif=la-cuadrilla-de-a%F1ana-en-24-horas
Posted on: Thu, 10 Oct 2013 09:49:38 +0000