BEIDAWNG SUH. Lehkha i thiam thei lo a, ṭhiante zingah chut bik leh mawl bikin i inhre ṭhin mai thei, beidawng suh. Tunlaia actor lar, Channing Tatum pawh hi Mizo zinga seilian chu nise tihduhdah tuar bik tur a nih hmel. Dyslexia nei a ni a, lehkha a thiam thei lo a ni ringawt lo, spelling-ah a chak lo em em. Puitlingin an spell thiam awm ngawih ngawiha ngaih pawh a spell dik thei lo! Mi pangngai pha zân loa ngaih theih mai a ni. Mahse tunah chuan actor hlawhtling a ni dêr tawh. Thil spelling a hre si lo a, chhiarkawp lah a thiam lo rapthlak. Keini zinga awm ni ta se, a hriat loha Mâwla kan tih mai tur a ni ngei ang. Hlawhtling tur hian hna hnuaihnung nia kan ngaih thlengin a thawk tawh. College pawh a zir chhuak lo, lehkha a ti thei hlawl lo. In saknaah brick remin a inhlawh ve nasa thei hle. Miami kawtthlera brick rem tur a zawn laiin an hmuchhuak a, modeling-ah a lut. Chumi hnuah club-ah lâmin ei a zawng leh. Step Up aṭang khan hlawhtlinna tak tak a rawn herchhuak a ni. Amah hi sipai bâng a ni.
Posted on: Tue, 29 Jul 2014 08:49:04 +0000
Trending Topics
Recently Viewed Topics
© 2015