BIN LADEN KAPHLUM TU A CHIANG TA! Osama Bin Laden kaphlumtu ber hming hi thup a lo ni thin a, kum 3 hnu-ah a kaphlumtu ber hming hi loh theih lohvin tihchhuah a ngai ta si a ni. al-Qaeda hotu Osama bin Laden kha 2011 kum khan Pakistan ram Abbottabad-ah US navy Seal-ten an kaphlum kha a ni a.Kum 3 zet a liam hnu-ah tu berin nge kaphlum tih lai takah thu nawi a awm leh deuh va! 2012 kuma Navy Seal atanga pension ta, tuna kum 38 mi Mr ONeill chuan a kahhlum a ni chiang tih Washington Post-ah a sawi a,amah interview-na hi Fox-ah tihchhuah an tum mek bawk a ni. He a thusawi hi Bin Laden luhchhuahnaa tel ve Matt Bissonnette ziak 2012 kuma lehkhabu tihchhuah nen a inang ta lo a ni. Mr ONeill chuan a hming a sawi lan duh loh sipai 1 nen Bin La den chu an luhkhung a, sipai 1 chuan a kap ngei a, a thelh a, keimah ngeiin bin Laden chu a lu-ah tak ka kap fuh a, a thi ta a ni,a ti. Mr ONeill thil sawichhuah hi Pentagon official-te chuan a dik leh dik lo emaw, an pawmpui leh pui loh thu engmah an sawi lo va, hetianga mahni duh thu thu-a sorkar hmalakna sawichhuah a, sumdawn nana hman hi dan kalh a ni, an ti daih thung. Matt Bissonnette hian sipai thuruk mipui hriata a tlangzarh hmasak zawk avangin thubuai a awrh mai thei a ni. Al-Qaeda firfiak pawl dintu Bin Laden kha 9/11 World Trade Centre sutchimtirtu,America mipui rikraptu a ni a, rei tak an veh hnu-ah Pakistan ramah a lo tawm ru reng a,2011 kum khan US Navy Seal chuan Pakistan sorkar hriattir hmasa lovin a chenna in luhchhuahin an kap hlum a, a ruang hi tuifinriat-ah an dah tha ta a ni.
Posted on: Fri, 07 Nov 2014 01:31:49 +0000