BUMIN I AWM EM? =D ¯¯¯¯¯¯¯¯¯¯¯¯¯¯¯¯¯¯ Inngaihzâwnna hi risk a ni! Hmalam hun a hriat lohna khawvelah hian engmah hi chiangkuang taka sawi lâwk theih a ni lo a, landana inteh ngawt theih a ni hek lo. Chuvangin, inlaichînna hi a him china kan luhchilh chauh a ngai a ni! Heng a hnuaia mite hi kan chunga a thlen chinah chuan kan ngaih kan titha ngawt tur a ni lo a, a thlâkna kan ngaihtuah a ngai. Kan rilru-in tuna mi chu a ex kulh ang a; tichuan, next zawn nghal mai tur a ni! (i) I Wallet/purse a rim em? : Ho tê a ni! I chhas nen in in-date a, in hlim dun ngang mai a, kha vang khan i hriat loh karin vawi engzat nge i wallet/purse i phawrh pawh i chhinchhiah kher lo maithei! Inah hâwng la, han indap chiang la, cheng engzat nge i hmanral le? In vahchhuah rêng rênga pawisa note i phawrh ziah bik chuan, i kawppui khan a rilru a phawrh tan mek tihna a ni, i ngaih titha suh! In dating cost (?) i pêk theih chhung chu pêktir che a tum a nih chuan a taksa i chang a, a rilru i chang ta lo tihna a ni thei! Mi tam tak chuan ngaihzawng te ei ral dan ringawt an ngaihtuah. Chutiang mi chuan ngaihzawng an zawng lo a, bum tur an zawng a ni. Fîmkhur la, fîm kur ang che! (ii) I tan a inpumpêk em? : I mamawh hunah i tan koh eih turin a awm ngai lo a, a mamawh hunah erawh koh êih theih tura i awm a beisei lawi si a, a va tenawm tak! I khawhar leh lunglên ngawih ngawih chang te, i nunin hnawhkhattu nei loa a ruah huai lai tein hla takah a awm a, chutihrualin a lung a lên dek dek chuan i lakah a pangchang hle lawi si maw, a va zak lo tak! Nangmah a mamawh chang chauha a chûl hleuh hleuh che a nih chuan, a kuahna che kut kha thing thla ang che. Ka hria, I na ang; mahse nakina i damna tur a ni! (iii) Password a pe phal che em? : Thenkhat chuan Facebook-a password inhrilh hi thil tul takah an ngai kher lo thei a. Chutih laiin, thenkhat chuan phal takin password an inhrilhtawn thin thung. Mahse, a password hrilh che a duh loh bur laia i password a dîl tlut tlut che a nih erawh chuan a tawk fair lo hle tihna a ni! Chumi chhuanlama hmanga a thin a rim fo a nih phei chuan a thinlungah hmun i chang pâwn hle tihna a ni. (iv) Chhuanlam siamah a ramtang em? : Inngaihzawnnain a ken tel chu fianriala inkawm a ni. Hei hi a tha lama dawnsawn thiam tur a ni. Inhmuh i rawt a; a hman lo a nih chuan hre thiam la, a hman lo fo a nih erawh chuan a ngaih that thlâk miah loh! In inkâr zawmtu a pan hle tihna a ni! :) :)
Posted on: Wed, 04 Dec 2013 14:50:05 +0000
Trending Topics
Recently Viewed Topics
© 2015