Bhaag Milkha Bhaag--Movie review in Hindi Bhaag Milkha Bhaag…is film mei mikha singh to khoob tez bhaage, par film ki kahaani ko apne sath dauda na sake. Khud to unhone world record tod diya, par ye film kuch khas record nhi bana sakegi. Behad dheemi aur bhatki hui, film milkha ki tarah race nhi jeet saki. Film mikha ke upar kam aur milkha ke liye zyada bani thi. Mana nirdeshak rakeysh omprakash mehra ji, ki ye kahani apko sirf ek rupaye mei mili, par ap ye ehsaan milkha ko promote karke chukayenge, ye kaunsa usool hua filmmaking ka. Jazbaat, discipline, tapasya…ye teeno cheezen ap bhi udhar le lete milkha ki zindagi se to acha hota. Dialogue---Plane chodke…. Apne is adakari ke scene ki tarah hi apne film ki kahani ko bhi beech mei bahut baar joda aur bahut baar toda. Race ki tarah ek track aap pakad nhi sake. Aur bhaavnaon mei aap itna beh gye ki kuch baatein batana hi bhul gye aur kuch cheezei bewajah keh gye. Dialogue---Wajan lo, maza ayega… Agar farhan ke pao mei bandhe in weights ki tarah film ke dialogues mei bhi kuch wajan hota, to mazaa aa jata. Par gane likhne wale prasoon joshi ji jab dialogues likhenge to film to halki ho hi jayegi. Film ki casting ki baat karein to farhan ko chodke baki sabhi kirdaar race mei bewajah daud rahe hain. Ek Punjabi ki adakari ke liye british actor ki bhasha bilkul shobha nhi deti, aur coach bane yograj singh DIG zyada lag rhe hain. film mei glamour aur drama ki koi kami nhi…humei to laga tha ki ye ek biopic hai. chaliye, isi bahaane, ek naya andaaz pata laga par afsos kuch khas pasand nhi aaya. dialogue---Ye mere khud se ladayi hai Vakayi milkha khud se ladte huye nazar aaye par ground se zada ground ke bahar. Film ka sangeet acha hai par iske bina bhi daud lag sakti thi. Bhavnaon ki is daud mei, milkha to jeet gye par film haar gyi. Agar aap mei itna dum hai ki aap is kahani ko ant tak haarta huye dekhen, tabhi jayein. Jeet ke liye film ki kahani daudti to bahut hai, par kuch haasil nhi ker pati.
Posted on: Mon, 15 Jul 2013 15:28:54 +0000
Trending Topics
Recently Viewed Topics
© 2015