Bhai sahab kahe ka Hindu aur kahe ka musalmaan...ham to apne baap dada k time se yaha h...inhi chodhary ji k yaha kaam karke apna gujara karte the...meri ankho k samne mere bete bahu ko jala diya...lekin unme se mere gaanv ka koi nahi tha...ye shabd h shakeel miya k jo bolte waqt ro pade...unke paas hi baithe raamnath ne unke kandhe thapthapaye..fir bole babuji ye pura gaanv Hindu Muslim rehte h...garibi k karan har waqt do roti ki jugaad me hi lage rehte h..police keh rahi thi kmere bhai aur bhatije ki body se ak47 ki goliya mili h...ab me kya Janu ye kya bala h..ham to kab se keh rahe h k bahar se aaye the danga karne wale...teen masjido me gola barood pakda gaya...sapa vidhayak k ghar se avadh hathiyaar aur bam pakde gaye.. Ham Hindu Muslim to na Jane kab se ek the par ye neta log kuch nahi samjte...musalmano ki basti me Jake unke jhakhmo per Nanak dalte h...bolte h musalmano ka jyada nuksaan hua.. Aap hi batao babuji kisi ki jaan ki bharpayi ho sakti h kya? Inko kisne haq diya ye majhab ki raajneeti karne ko? Itne me ek 20 saal ka ladka bola ab jawab to dena padega..aajam ji ko...unhone kyu mana kiya un dono ladko ko giraftaar karne se...agar unki behan beti ka rape hota tab b wo yahi karte? Wahi chopaal me yunus ansaari ne usko daat k chup kara diya.. Mere bahot kehne pe bole- kya kare sahab ham musalmano ki baat kon sunta h?hame to sabse jyada khatra b apno se hi h...azaad to aap log hue ho ham to aaj tak gulaam hi h...hamare haq ki baat karte karte ye neta sabka haq maar gaye..hamko kuch nahi mila lekin sabke bure ho gaye...hamne to nahi mangi haj ki sabsidi...bas hamare baccho ki behtar taaleem kara do...kehte h laptop denge,tablet,saykal denge...Agar shaan apni h to dard b b to apna hi hoga...khane ki jugaad nahi padhayen to kaise? ham to bas baccho ka pet paal rahe h...aap khud hi maloom kar le dusre gaanv me b kitne bacche jate h school? Tabhi ek police ki gaadi nikalti h to firoj,nanhe,amit,rehana jaese aur b bacche jo bahar khade the,sab bhaag k chup jate h...muje kuch ajeeb laga... Budhi kaaki ne bataya k danga hone k baad jab gaav me force lagayi to ye sipaahi hamare gharo se paani khana le maang le jate the hamne b dil se madad ki...lekin jab ek din dangayio ne force par patthar barsaye...to ye force wale unka kuch nahi bigade...ulta ham logo k ghar kud kar sab darwaaja tod diya..mard,aurat,bacche,budhe kisi ko nahi choda...bacche to abi tak sadme me h... Me chupchap khada hua sun raha tha samne footpath par lasho ki kataar rakhi hui thi...meri abi tak himmat nahi ho pa rahi thi unki ginti kar saku..par kuch kameeno ne to ye b hisab laga liya k kitne Hindu kitne Muslim... Aur meri nazar do laash pe padi pehli jo gerue kapdo me thi khoon se b gehra tilak mathe pe tha uske upar safed kurta payjama aur ek jalidaar topi pehne laash padi thi... ......bas tabhi achanak meri ankh khuli...dil ghabra raha tha...mene paani piya...fir ek thandi aah li...aur dil se awaaj aayi...... RAAM BHI MARA AUR RAHEEM BHI MARA....
Posted on: Mon, 07 Oct 2013 08:48:39 +0000