Bo tabata sa ku Dios a kreabu ku 12 poder spiritual ku bo por usa pa krea un bida di abundansha? E 12 podernan spiritual aki no ta un invento moderno, ni ta un mito, ni tampoko tin di haber ku esoterismo. Nan ta para ampliamente deskribí den e buki di Beibel konosí komo ‘Revelashon’, pa ta eksakto kapítulo 21: 12-27. Kada un di e podernan spiritual aki ta representá pa un di e 12 apòstelnan original di Kristu Hesus. Manera nos sa, Kristu Hesus no a skohe su disípulonan pa loko. Kada un ta representá un kualidat spiritual, ku huntu a forma e totalidat, e fundeshi riba kua Kristu a basa su iglesia. E promé ta Fe, representá pa apòstel Pedro, ku ta e abilidat pa kere, di intuishon i persepshon. E di dos ta Fortalesa, representá pa e apòstel Andres, ku ta e abilidat pa perdurá, sigui un rumbo, preservá. E di tres ta Sabiduria, representá pa Hakobo yu di Zebedeo, ku ta e abilidat pa evaluá, diserní i apliká loke bo sa. Amor ta e di kuater poder spiritual, representá pa Huan, ku ta e abilidat pa atraé, unifiká i deseá. E di sinku ta Poder, representá pe e apòstel. E di 6 poder ta Imaginashon, representá pa e apòstel Bartolomeo, ku ta e abilidat pa imaginá, konseptualisá, visioná i soña. Komprendimentu ta e di 7 poder spiritual ku Dios a duna nos. E ta representá pa apòstel Tomas , ku ta e abilidat pa sa, persibí i komprendé. E di 8 ta Boluntat, representá pa apòstel Mateo, ku ta e abilidat pa skohe, disidí, dirigí, liderá i determiná. Órden, e di 9 poder, ta representá pa apòstel Hakobo yu di Alfeo, ku ta e abilidat pa balansá, organisá i ahustá. E di 10 poder, Selo, ta representá pa apòstel Simon e Fanátiko (o, Simon di Kana). ku ta e abilidat pa ta entusiasmá, pashoná, tuma inisiativa i motivá. Eliminashon, e di 11 poder ta representá pa e apòstel Hudas Tadeo, ku ta e abilidat pa ekspulsá pensamentunan negativo for di nos mente. E di 12 poder ta Bida, ku ta representá pa e apòstel Hudas Iskariot, ku ta e abilidat di duna energia, vitalisá, duna bida, animá i duna vigor. (E siguiente 12 dianan, nos lo para ketu separadamente na kada unu di e podernan aki. Riba e ròl ku kada apòstel tin den e podernan aki, nan aplikashon den bida di tur dia i tambe, nan orashon i meditashonnan korespondiente.)
Posted on: Sat, 21 Sep 2013 18:45:07 +0000
Trending Topics
Recently Viewed Topics
© 2015