Bon dia Dios mediante. Amèn. *** Dia pa dia mi ta bira konvensí ku e mihó kos ku un hende por hasi ta atendé ku animal. Awèl hende no tin niun klase di libertat di hasi loke ku nan ke. Komo ku mester tene kuenta un monton di hende. Awèl ami ta biba mi bida i hasi loke ku ami ta ha`na ta bon i ta saka potrèt di e hende ku ami ke i papia i atendé ku e hende ku ami ke. Esun ku no gusta nan asuntu, awor si ta di mas. Tin algun kos a kuminsá kansa hende bèrdè. Deja me vivir mi vida. Biba laga otro tambe biba. *** Tin hende mester gewon hasi e kos ku ta toka nan, no biba pa amargá bida di otro, òf blo keda buska teima ku hende. Ami no por komprondé kon un hende por biba spesialmente pa buska kestion (problema) ku otro. Òmbre, kansa hende. *** Muchu envidia, falsedat riba e baranka aki. Hende ku a keda yudá tur tempu, awor ku nan a subi ta kondená otro momentu ku e otro trata di bai dilanti. Un hende splika mi ta kon pueblo por bai dilanti den un komunidat pèsta ku odio i vengansa. Hamas. Djis wak den beisbòl merikano, te ainda nan ta papai elogiá Bebe Ruth, Joe Di Magio, tur e grandinan di liga grandi. Aki ni un granito, pero asina un some bodí bin djafó ta kore koron’é. *** Nos tabata na Aruba pa malesa di mi yu hòmber mas grandi ku a outo a trapa. Awor a resultá ku esun ku a trapa nan ta afó anto e mes ta den hospital ainda. Hustisia na Boneiru ta nulo, ken ku ta mata, menasa, hòrta, abusá di otro tòg nos ta biba den un repúblika di banana, no tin lei tòg. Tur hende por hasi e deshasí tòg bo no ta bai será. Bo ta manda outo intenshonal riba hende trapa yu mama ku tata anto bo ta Sali liber i selebrá tambe. Si ta obra di Dios agace su boluntat, pero si ta obra di satanas, Dios lo pago. *** Nos a gosa e ekspreshon di señor “Benedicto Ben Oleana” kaminda e la bisa ku FKB ta bai traha kas pa pueblo barata, si kompanianan lokal ofresé preis kumbiniente, sino nan ta buska material dirèkt for di USA. Hopi bon ponensia asina mester papia òf laga. Pasobra komersiantenan ta gana muchu sèn riba un produkto di mal kalidat i riba kustia di pueblo. Den e ponensia di Ben Oleana ta hopi bon. *** Awor aki por kumpra (bestèl) via Internet. Solamente bo mester buska un Visa card pre pago. Awor aki tur hende por kumpra via Internet mas barata i lihé. *** E aña aki na Aruba Dia di Boneiru ta bai ta algu great un bia mas. Na Aruba bo ta groof grovie grovi. *** Dia 6 di sèptèmber tremendo Fiesta baliabel na Gran Chaparal ku animashon di Dj Kandela direktamente for di Kòrsou huntu ku dj Papi Martina i Dj Juan Danger. Ambiente ta for di 9’or pm pa 3’or am. Entrada ta solamente 10 $ so so pa persona. Bar i kushina bon di stòk i ambiente ta sigur den oranan di anochi aya na Chaparal. Dia 5 sèptèmber Dj Forsa dos di Kòrsou na Boneiru mano mano ku Sason Boneriano i Dj Juan Danger. Entrada 15 delantá $ i na porta 20 $. Ambiente ta bai rònt for di 9’or anochi te den oranan di mardugá. *** E aña aki Sekshon di Kultura Arte i Literatura ‘SKAL’ ta enkargá ku kordinashon di e parti di benta di produkto durante selebrashon Dia di Boneiru. Organisashon o personanan lokal ku ta deseá pa bende un òf produkto riba Dia di Boneiru mester pasa pa yena formulario di inskripshon serka Rina Saragoza na ofisina di SKAL na Kaya E.C. Craane 34 kaminda ántes tabata Kas di Arte. Pa mas informashon por tuma kontakto telefóniko ku SKAL via 717 8868/ 717 5330 ekstenshon 344. *** Otro siman Kòrsou ta den Nort Sea Jazz Festival ku e grandinan di momentu Marc Anthony ku a popularisá e kansion Vivir mi vida, Dianna Ross, Paul Anka i hopi mas. Nos ta pendiente pa bai kubri e aktividat aki. *** Pa potrèt i filmashon di bo fiesta, aktividat sosial kultural, yama Bonaire Graphic & Design òf tuma kontakto ku nos via E- mail bnnpro@hotmail. Tambe nos ta pasa kasèt VHS riba DVD. Te otro siman ku Dios ke. Skirbí pa Tico Janga. diturunpoko@hotmail 796 2020.
Posted on: Tue, 27 Aug 2013 19:00:36 +0000
Trending Topics
Recently Viewed Topics
© 2015