By Charlie Tlau Member te min rawn request na hi chuhan ti hlawhtling tum zel ta ila,tun tum chuan FA ENKAWL DAN kan sawi ve ang. Engkim hi internet ah chhiar tur awm teh meuh mai,mahse culture tin te hian kan parenting style hi a dang inlehkhabu thenkhat hi chu a practical viau lo. Vawikhat chu Sigmud Freud a office ah hian nupa tuakkhat hi an va leng luthlawl a,Engtik ah nge fa enkawl kan tan ang? tiin an zawt a,Freud chuan,In fa pai lai chu thla eng zat nge? tiin a zawt a,Thla 6 lai anih tawh thu an han hrilh chuan Freud chuan haw nghal vat vat rawh u.thla 6 in in tlai tawh zu ti a.Kan hriat theuh ang in nunna thar chu mipa chi leh hmeichhe chi inpawlh atanga insiam ani a,chuan naute hi nu pumchhung a an awm lai hi psychologist te chuan a pawimawh thu hi an sawi nasa a,abik in 0-6 months anih lai. Nausen in a lo thanlen a a rilru tur tam zawk chu nu pum chhunga a awmlai ani a,a dang hichu a rawn than len hun a a chhehvel leh chhungkua a inenkawl dan(family upbringing) ani. Age by age a sawi dawn chuan a thui lutuk ang,duh leh remchang ah nausen atanga tleirawl/rawlthar an nih thleng enkawl dan kan post dawn zawk nia,point te te rawn pe ta ila,chhiar a nawm nan :- 1. I fa self-esteem (zahawmna) ngai pawimawh rawh.I tawngkam leh i action kha naute an nih lai atang in an hmu vek a,an thluak ah hian a in register thlap tih hriat a tha fo. Engmah an hre tak tak lo tih hi chu hriat loh vang ani zawk e. I awki,body language,i mitmeng..etc. Thil hote an tih pawh lawmpuina chang hriat a,thil tha lo an tih pawh in hauh ringawt hi a tawk lo. Kan sawi nawn leh teh ang,thil tha lo an tih hian hauh ringawt hi ani lo,kawngdik kawhhmuh fo tum hi ani zawk. I thinrim a i ang buah2 dawn in i tawngkam i fate lakah fimkhur ang che. 2. Thil anmahni a tihna chang an hriat in fak theih nghilh suh.Zing i thawh atang a i mut thleng khani hun tam zawk fate hauh nan nge an thil tih that fak nan i hman thin aw? An mahni a thil tih an tum a,an hlawhtling loh te hian nupa thenkhat chuan han hauh ringawt hi an tum thin a,hauh ai chuan tihdan tha zawk leh a mamawh tawk in hrilh hi tha fo e. Thil tha an tih chuan chu chu ka lei ang che tih ngai lo in emaw chumi hmun ah kan kal dawn nia tih ai chuan an mahni kha nangmah khan lei in emaw hruai chhuak tawp rawh,surprise gift te chu tu pawn kan lawm thin lawm,ti rawh u:D 3. Limit nei la,Discipline ngai pawimawh rawh.He thil hi ka sawi chak tak ani a. Nu leh pa thenkhat ten fate an vau a,mahse an ti leh thin lo. Fate discipline chungchang ah hian kan sawi ang a kan bawhzui leh loh chuan mahni in chawk zero na mai ani a,fate an hlau lo chu thuran,faten an nun an hlauh kha pawi zawk. A tul anih chuan fate chu an thil duh ber TV programme emaw,Computer emaw bike emaw pawh discipline an bawh chhiat a zirinkarkhat hman tir loh mai tur. 4. I fate tan hun a tam thei ang ber a neih tum rawh.Tunlai a kan zoram a ka vei ber pawh ni e,chhungkua chaw ei rual hram2 tluk hi awm lo a,mahse a theih loh anih chuan chhan tha tawk awm tur ani. Chhungkua chaw ei thual thap2 hichu an awhawm in an zahawm thin. Hna vang in chhuah leh eizawnna vang in zin te pawh a ngai thin,mahse khang kan time-lost zawng zawng te hi kan fate tan chuan ava hlu em. Fate awplum peih lo emaw thei lo chuan kohhran ah leh khawtlang ah hian in hmang lul suh se. I fate khan i pawisa an mamawh lo(an duh mai thei) an mamawh chu i hun kha ni sin,best-gifti pek theih chu i hun hlu tak kha ni e. 5. Nangmah kha an role-model i ni em?Naupang reng reng hianan nu leh pa te tawngkam leh chetzia hi tam tak in an entawn a,entawn tur an hmuh loh chauh in ni thin midang (zaithiam,actors leh actress..etc) an entawn thin,chuvang in i pasal emaw nupui i biak dan kha i fate khan mipa leh hmeichhia an treat dan tur ani tih hre mawlh ang che. 6. Inbiak tawnnaNu leh pa tam tak chuan an fate lakah intih nelawm an tumna lam ah an fate an hnawt bo zawk thin. I fate i biak in anu leh pa anga biak hun leh ama level anga biak hun hi a awm thin. I fate laka i beisei chu chiang tak in i sawi thin tur ani,chumi an tih hlawhtlin loh pawh a thil thleng tur te nen. Engkim hi chiang fek fawk a sawi hi thil tha berani e. No hidden agenda ani tawp tur. Fate laka thil awmzia leh nih phung chiang taka hrilh thin tu chuan an fate tumah mi khirh an siam ngai lovang. 7. Rubber-band ang in aw.Lehkhabu hrang hrang leh source hrang hrang atangin fa enkawl dan i chhiar in i hria ni mai thei e,mahse i fate enkawl tur chuan in chhungkua dinhmun leh i fate rilru mil zel in le. 8. Unconditional LoveNupa thenkhat in fate hnen ah i tah chuan ka duat lovang che,i sual chuanengmah ka lei lovang che.,tiin vauna hrang2 pe an awm thin. Hetianga vau hi thil tha lo tawpkhawk ani tih hriat a tha e. Vau ai chuan a inbiaktawnna (point 6) khi pawimawh e. Fate chu eng pawn awm se,kan hmangaih a ni tih hre tur in kan tawngkam leh chetziahian i lan tir ang uA thui ta mah mah e,a tawp nan nu leh pa ni chho tur leh ni mek te kan ni a. A chang chuan fate lakah kan mamawh leh duh kan va tihlang thin a,fimkhur atha. Fate enkawl tur hian tumah pefect-parent ka nawm lo,mahse perfection hi thil perfect lo ah hian i zawng tlang ang u.
Posted on: Tue, 21 Oct 2014 10:43:46 +0000
Trending Topics
Recently Viewed Topics
© 2015